بە ڕاپۆرتی ئاژانسی هەواڵی مێهر، ناسر کەنعانی، وتەبێژی وەزارەتی دەرەوەی ئێران، لە تۆڕی کۆمەڵایەتی ئێکس یاداشتێکی لە ژێر ناوی " کارەساتی هەڵەبجە، نمانەیەکە لە ستانداردی چەند ڕەهەندی ڕۆژاوا لە بواری مافی مرۆڤ." بڵاو کردەوە.
٢٥ی ڕەشەمە ساڵڕۆژی کیمیابارانی دڕندانەی ڕژێمی بەعسی عێراق بوو بۆ سەر خەڵکی بێ دەرەتانی هەڵەبجە. ئەو ڕۆژەی کە چارەنووسی شارێک بە چەند چرکەیەک یەکلایی کرایەوە و زیاتر لە دە هەزار کەس بەهۆی هەڵمژینی گازی ژەهراوی و حەرامەوە گیانیان لەدەستدا.
ئەم ڕۆژە ڕەش و نەگبەتیە هەرگیز بۆ خەڵکی هەڵەبجە و بۆ خەڵکی شارۆچکە سنوورییەکانی کۆماری ئیسلامی ئێران لەبیر ناچێتەوە کە خۆی پێشتر بوونەتە قوربانی ئەم جۆرە چەکە و پێشوازییان لە برینداران و ڕزگاربووانی ئەمە کارەساتە مێژووییە کرد.
تاڵیی بیرهێنانەوەی کارەساتی هەڵەبجە لە چوارچێوەی مێژوودا دوو هێندە دەبێت کاتێک بیرمان دێتەوە کە ڕژێمی بەعسی عێراق توانی گاز و بۆمبی کیمیایی لەلایەن هەندێک وڵاتی ئەوروپاوە بەرهەم بهێنێت و سەرەڕای قەدەغەکردنی بەکارهێنانی ئەم جۆرە چەکە نامرۆڤانە، لە شەڕی سەپێنراودا چەندین جار بەکارهێنران، دژی کۆماری ئیسلامی ئێران و هێزەکانی ئێران و لە کۆتاییدا، بە شێوەیەکی بەرفراوان بۆ سزادانی خەڵکی باکووری ڕۆژهەڵاتی عێراق بەکارهێنران.
ڕژێمی بەعس لە کاتی شەڕی سەپێنراو لە دژی کۆماری ئیسلامی ئێران، چەندین جار پەنای بۆ بەکارهێنانی چەند جۆر گازی کیمیایی کوشندە برد، لەوانە لە ئۆپەراسیۆنەکانی خەیبەر، بەدر، کەربەلا ٤، کەربەلا ٥، کەربەلا ٨، کەربەلا ١٠، و لە ناوچەکانی فاو و خەیبەر.
بە ئازارتر لەوەی کە بەسەر خەڵکی هەڵەبجە و سەردەشتدا هات، هەروەها گەنجانی ئەم خاکە، کە هەموویان گیانیان بەخت کردبوو بۆ بەرگریکردن لە یەکپارچەیی خاکی ئێرانی ئیسلامی، هەڵسوکەوتی چەواشەکارانە و ترسنۆکانەی هەندێک وڵاتی ڕۆژئاوا و لایەنگرانی ڕژێمی سەدام بەرەو بەکارهێنانی ئەم چەکە و کاردانەوەی هەبووە لەو بارەیەوە.
بە پێی ئەو ڕاپۆرتانەی ڕێکخراوی نەتەوە یەکگرتووەکان بڵاویان کردۆتەوە، ڕژیمی سەدام لە ماوەی شەڕی کۆماری ئیسلامی ئێران زیاتر لە ٣٥٠ جار چەکی کیمیایی بەکار هێناوە.