بە پێی ڕاپۆرتی ئاژانسی هەواڵی مێهر، به‌گوێره‌ی راگه‌یه‌ندراوێكی باره‌گای بارزانی، ئه‌مڕۆ دوشه‌ممه له سه‌ڵاحه‌دین مه‌سعود بارزانی سه‌رۆكی پارتی پێشوازی له گلین مایڵز باڵیۆزی ئوسترالیا له عێراق كرد و له‌دیداره‌كه‌دا باڵیۆزی ئوسترالیا ستایشی په‌یوه‌ندییه دووقۆڵییه‌كانی نێوان وڵاته‌كه‌ی و هه‌رێمی كوردستان كرد، خواستی وڵاته‌كه‌ی بۆ قووڵكردنه‌وه‌ی ئه‌م په‌یوه‌ندییه خسته‌ڕوو.
له ته‌وه‌رێكی تری دیداره‌كه‌دا، مانه‌وه‌ی هێزه‌كانی هاوپه‌یمانییه‌تی نێوده‌وڵه‌تی له عێراق باس كرا، مه‌سعوود بارزانی ئاماژه‌ی به‌وه‌كرد، "ئه‌مه پرسێكی نیشتمانییه و په‌یوه‌سته به سه‌رجه‌م پێكهاته‌كان، پێویسته له‌م روانگه‌یه‌وه درك به مه‌ترسییه‌كانی سه‌رهه‌ڵدانه‌وه‌ی تیرۆر بكرێت".