بە پێی ڕاپۆرتی ئاژانسی هەواڵی مێهر، کەمێك پێش ئێستا فڕۆکە جەنگییەکانی ئەمریکا بارەگای ئۆپەراسیۆنەکانی حەشدی شەعبییان لە ناحیەی جەرف سەخر بۆردومان کرد، بەهۆی قورسی و سەختی بۆردوومانەکەوە تا ئێستا زیانەکان نەزانراون.
بەگوێرەی میدیای عێراقیی، بۆردومانەکە کەمێك پێش ئێستا بووە و ئەمریکا لەڕێگەی سێ مووشەکەوە بارەگایەکی حەشدی شەعبی لە جەرف سەخر بۆردومانکردووە، بەگوێرەی زانیارییەکان تا ئێستا ژمارەیەک شەهید و بریندار هەن.
هاوکات بەهۆی ئەوەی فڕۆکە بە ئاسمانی ناوچەکەدا دەسوڕێتەوە و بۆردوومانەکە بەردەوامە، قەبارەی زیانەکان نەزانراون.