بە پێی ڕاپۆرتی ئاژانسی هەواڵی مێهر، سەرچاوە ئەمنییەکانی هەرێمی کوردستانی عێراق ڕۆژی سێشەممە ڕایانگەیاند کە لە ماوەی دوو ڕۆژی ڕابردوودا هێزەکانی ئەمریکا کەرەستەی سەربازی جۆراوجۆریان بۆ بنکە نایاساییەکانیان لە باکووری ڕۆژهەڵاتی سووریا گواستووەتەوە.
ئەم سەرچاوانە ئەوەشیان زیاد کردووە کە لانیکەم سێ کاروانی سەربازی کەرەستەی سەربازی تایبەتی ئەمریکایان لە بنکەی ئاسمانی حەریرەوە بۆ ئەلحەسەکە لە سوریا گواستووەتەوە.
ئەو سەرچاوانەی ئاماژەیان کردووە کە ڕێوشوێنی ئەمنی بۆ گواستنەوەی ئەم ئامێرە گیراوەتەبەر و زۆرجار گواستنەوەی لە شەودا ئەنجام دەدرا.
بەگوێرەی ئەو سەرچاوانە، گواستنەوەی جیهازاتی سەربازی لە عێراقەوە بۆ سوریا هاوکات بووە لەگەڵ نیشتنەوەی فڕۆکەیەکی بارهەڵگر لە فڕۆکەخانەی سەربازی هاوپەیمانی نێودەوڵەتی لە ئەلحەسەکە.
بەرپرسێکی ئەمنی لە پێشمەرگە ڕایدەگەیەنێت، ئەگەری زۆرە ئەو بارانە چەکی بەرگری و دژە فڕۆکەی بێفڕۆکەوان و مووشەکی لەخۆ بگرن، چونکە ئەگەری هێرشی نوێ بۆ سەر پێگەکانی ئەمریکا هەیە.
دووپاتیشی کردەوە کە هێزەکانی ئەمریکا قەڵای نوێیان لە بنکەکانیان لە عێراق دروستکردووە، لەوانە بنکەی عەین ئەسەد و حەریر.