بە پێی ڕاپۆرتی ئاژانسی هەواڵی مێهر ،حوجەتولئیسلام، سەید ئیبراهیم ڕەئیسی، لە کۆنگرەیەکی ڕۆژنامەوانیدا لەگەڵ محەممەد شیاع سودانی سەرۆک وەزیرانی عێراق وتی: سوپاس بۆ سەرۆک وەزیرانی عێراق کە هاتووەتە ئێران و هەروەها بۆ جێبەجێ کردنی ڕێککەوتنە ئەمنییەکانی نێوان ئێران و عێراق سەبارەت بە هەرێمی کوردستان.
جێبەجێکردنی ئەم ڕێککەوتنە ئەمنییە دەبێتە هۆی زیادکردنی ئاسایشی سنوورەکان و باشترکردنی ئاسایشی هەردوو وڵات و دوور خستنەوەی دەستی دژە شۆڕش لە سنوورەکانی دوو وڵات، و هیوادارم بە تەواوی جێبەجێ بکرێت.
سەرۆک کۆمار ڕایگەیاند: لە بواری ئابووریدا پەرەپێدانی پەیوەندییە بازرگانییەکان، بەتایبەتی پەرەپێدانی شارۆچکە سنوورییەکانی هەردوو وڵات، گرنگە بۆ زیادکردنی بەرهەمهێنان و بازرگانی، کە پێویستە پەیڕەو بکرێت.
ئاماژەی بەوەشدا: پێویسته سوپاسی سەرۆک وەزیرانی عێراق بکەم که هەوڵی تەواوکردنی هێڵی ئاسنی شه لەمچه ـ بەسرەی دا، که سوودێکی گەورەی بۆ هەر دوو وڵات هەیه .
حوجەتولئیسلام ڕەئیسی لە درێژەدا وتی: هەڵوێستی دوو وڵات سەبارەت بە پرسی فەلەستین و چەوساندنەوەی خەڵکی ئەم وڵاتە هاوبەشە.
وتیشی: پێویستە بە زووترین کات بۆردومانەکان بوەستێنرێت، و بە زووترین کات ئاگربەست دابنرێت، هاوکاریش بدرێت بە گەلی ستەملێکراوی غەززە.
ئێمە پشتیوانی لە هەر هەنگاوێک دەکەین کە لەسەر ئاستی وڵاتانی ئیسلامی، ناوچەیی و نێودەوڵەتی بۆ پێشگرتن لە کوشتنی خەڵکی بێتاوان و چەوساوە و خۆڕاگری غەززە بەرانبەر بە ڕژێمی زایۆنی و ئەمریکاوە بگیرێتەبەر و لەم پێوەندییەدا هاوکار دەبین.