بە پێی ڕاپۆرتی ئاژانسی هەواڵی مێهر، لە کاتێکدا کە ڕژێمی ئیسرائیل لە کاردانەوە بە ئۆپەراسیۆنی گەردەلولی ئەقسا لە حەوتەمی ئۆکتۆبەر (١٥ ڕەزبەر) لە هەوڵدایە بارودۆخی ناوخۆی خۆی یەکڕیز و ڕێکخراو نیشان بدات و سەرۆکوەزیرانی ئەم ڕژێمە، بنیامین نەتانیاهۆ، لە هەوڵدایە خۆی بە کەسایەتییەکی بەهێز و وەرەبەرز دەربخات بۆ قەرەبووکردنەوەی ئەم شکستە، ، بەڵام بەڵگەکان ئاماژە بە دۆخێکی جیاواز دەکەن.
لەو پێوەندییەدا ڕۆژنامەی تاران تایمز فایلێکی دەنگی نهێنی سەرۆکوەزیرانی پێشووی ئەم ڕژیمەی دەستکەوتووە.
ئیهود باراک، کە کەسایەتییەکی ناسراوی ڕژێمی زایۆنیستیە و ئەزموونی بەرزترین پێگەی سیاسی و سەربازی هەیە، لە کۆبوونەوەیەکی نهێنیدا کە چەند ڕۆژ لەمەوپێش بەڕێوەچوو، دۆخی ڕژیمی بەم شێوەیە شرۆڤە کردەوە ، پێش هەموو شتێک ئەم شکستە قورسە نابشاردرێتەوە و بەرپرسیارێتی تەواو لە ئەستۆی نەتانیاهۆیە بە شێوەیەکی شەخسی و ئەویش کە متمانەی خەڵک و سوپای لەدەستداوە، دەبێت بڕوات.
خاڵێکی دیکە ئەوەیە کە بە شێوەیەکی ناڕاستەوخۆ هۆشداریی داوە لە دەرئەنجامەکانی هێرشی زەمینی بۆ سەر غەززە و سەرکەوتن تێیدا بە دووری دەزانێت.