بە پێی ڕاپۆرتی ئاژانسی هەواڵی مێهر، گردبونەوەی ئیدانەكردنی دەستدرێژییەكانی سەر غەززە لە سلێمانی بەڕێوەچوو.
ئەمینداری گشتی یەكگرتوی ئیسلامی كوردستان تێدا بەشداری کرد و رایگه‌یاند: بۆ جیهان ڕوونبوەوە كە كۆمەڵگەی نێودەوڵەتی ڕۆژئاوا چەند درۆ دەكات لەگەڵ دروشمەكانی مافی مرۆڤ و دیموكراسی، نەك چاوپۆشی دەكات لە كاولكردنی شارولادێكانی غەززەو كۆمەڵكوژی دانیشتوانەكەی بەڵكوو هێشتا ئیسرائیل بە مەزڵوم دەزانێت
سه‌ڵاحه‌دین به‌هائه‌دین، ئەمینداری گشتی یەكگرتوی ئیسلامی كوردستان ئه‌مڕۆ چوارشه‌ممه بە یاوەری ژمارەیەك لە ئەندامانی ئەنجومەنی جێبەجێكردن و سەركردایەتی بەشداری كرد لە گردبونەوەی ئیدانەكردنی دەستدرێژییەكانی سەر غەززە كە لەلایەن ژمارەیەك لە مامۆستایانی ئاینی شاری سلێمانی سازكرابوو، تیایدا ژمارەیەكی بەرچاو لە هاووڵاتیانی شاری سلێمانی بەشداریان تیادا كرد.
ئەمینداری گشتی یەكگرتوو لە لێدوانێكدا رایگه‌یاند:" "ئێمە لەكاتێكدا دڵنیایین لە سەركەوتنی هەق و هەقانیەتی دۆزەكە، دەزانین جەنگی موقەدەسات و پیرۆزییەكانی ئوممەتی ئیسلامەو بەرگریە لە مافی زەوتكراوی گەلێكی چەوساوە."