بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان کە بۆ بەشداری لە کۆبوونەوەی کومیتەی جێبەجێکاری ڕێکخراوی هاریکاری ئیسلامی چووە عەرەبستان، لە فڕۆکەخانەی جەددە لە کۆنگرەی ڕۆژنامەڤانیدا ڕایگەیاند: چەند کاتژمێر پێش ئێستا نەخۆشخانەیەک لە غەززە لەلایەن ئیسرائیلەوە کرایە ئامانج کە بە هۆیەوە زیاتر لە ٥٠٠ کەس لە نەخۆشەکان،کادیری پزیشکی و دەرمانی شەهید بوون و ئەوە جینایەتێکی قبووڵ نەکراوە.
ناوبراو وتی سەبارەت بە ئامانجەکانی ئەو کۆبوونەوە لەگەڵ فەیسەل بێن فەرحان گفتوگۆم کردووە کە لەسەر سێ تەوەر جەخت کرا یەک: ڕاگرتنی دەستبەجێی جەنایەتی ئیسرائیل لە دژی غەززە، دوو: کردنەوەی ڕێگایەک بۆ گواستنەوەی ئاو،خۆراک،دەرمان و سووتەمەنی بۆ غەززە و سێهەم: بەرەوڕووبوونەوەی توند لەگەڵ هەوڵەکانی ئیسرائیل بۆ کۆچاندنی زۆرەملێی خەڵکی ناوچەکە.