بە پێی راپۆرتی ئاژانسی هەواڵی مێهر، د. موسەننا ئەمین ئەندامی پەرلەمانی عێراق لەفراکسیۆنی یەكگرتوو، سه‌ردانی خه‌ڵكی ناڕازیی كفری كردووە كه بۆ داواكاریی خزمه‌تگوزاری گردبوونه‌ته‌وه.
موسەننا ئەمین له لێدوانێكی رۆژنامه‌وانیدا وتی: "حكومه‌ت كه‌ڕ و لاڵ و كوێره، حكومه‌ت سه‌روه‌ریی نه‌ما و ئه‌و سه‌روه‌ت و سامانه‌شی لێ سه‌ندرایه‌وه كه تاڵانی ده‌كرد".
هەروەها ئەوەشی وتووە: "هه‌رێمی كوردستان ئاشبه‌تاڵێكی راگه‌یاندووه‌و هه‌ر ئه‌وه ماوه بچێته بواری جێبه‌جێكردنه‌وه، ئه‌مه ئاشبه‌تاڵ نییه كه تازه هه‌رێم به‌ش ده‌كه‌ن و له‌دوای ئه‌و هه‌موو داهات و ته‌خشان و په‌خشانه مووچه ناده‌ن، ئایا ئه‌مه ئاشبه‌تاڵ نییه كه شه‌ڕی ناوخۆ زیندوو ده‌كه‌نه‌وه".
پەرلەمانتارەكە دەشڵێت: هه‌رێم هیچ شانازییه‌كی نییه كه بۆخۆیی باس بكات، خه‌ڵك ده‌رفه‌تی هه‌ناسه‌دانی نییه وه‌كو پێویست، بۆیه ده‌بێت پشتیوانی له‌مجۆره خه‌باتی مه‌ده‌نییانه‌ی وه‌ك خه‌ڵكی كفری بكرێت.