بە پێی ڕاپۆرتی ئاژانسی هەواڵی مێهر، محەمەدی حاجی مەحمود لەچاوپێكەوتنێكدا رایگەیاند، هەرێمی كوردستان شەرمەزاركراوە، بەهۆی ئەو مامەڵەی لەگەڵ بەغدا دەكرێت، پەرلەمانتارانی كورد لەبەغدا نەیانبردووەتەوە، دۆڕاندوویانە.
دەشڵێت: ئێمە گەیشتووین بە چ قۆناغێك؟ داوای پارە لە بەغدا دەكەین، لێی دەپاڕێینەوە، ئەوان وەڵامنادەنەوە، لەكاتێكدا پیشتر ئەوان دەهاتن لە هەولێر حكومەتیان پێكدەهێنا، چاویان لە پشتیوانی كورد بوو.
هەروەها وتی: ئێمە هەست دەكەین كورد سەربڕدراوە، بەڵام قەبوڵی ناكەین، بەرگری دەكەین، نابێت كورد رادەستی بەغدا ببێت