بە پێی راپۆرتی ئاژانسی هەواڵی مێهر، حسێن ئەمیر عەبدوڵاهیان وەزیری دەرەوەی ئێران لە گفتوگۆی تەلەفۆنی لە گەڵ لۆیجی دی مایۆ هاوتای ئیتالیایی خۆی جەختی کرد: ئەگەر یەکێتی ئەورووپا بیەوێت بەپەلە و بێ بیرکردنەوە کارێک بکات دەبێ چاوەڕوانی وڵامی ئێران بێت.
لەو گفتوگۆیەدا باس لە رووداوەکانی ئەم دواییەی ئێران و بشێوییەکان و هەروەها دانوستان بۆ هەڵوەشانەوەی گەمارۆکان کرا.
ئەمیر عەبدوڵاهیان سەبارەت بە بشێوییەکانی ئەم دواییەی ئێران وتی: هزکارانی بیانی ، رێکخەران و تیرۆریستان بە تایبەتی لە زاهێدان و رۆژاوای ئێران گردبوونەوەی خەڵکیان بەرەو ئاژاوەگێڕی و توند وتیهی برد و خەڵکی بێ تاوان و پۆلیس و پارێزەرانی ئاسایشی وڵات بوونە قوربانی.