بە پێی راپۆرتی ئاژانسی هەواڵی مێهر، حسێن ئەمیرعەبدوڵاهیان لە وتووێژی تەلەفونی لە گەڵ فواد حسێن وەزیری دەرەوەی عێراق سەبارەت بە دواهەمین گۆڕانەکانی ناوچە و هەروەها بابەتە ناوچەیی و نێودەوڵەتییەکان باس و وتووێژیان کرد.
ئەوان لەم وتووێژەدا وێڕای باسی پێوەندی نێوان دوو وڵات، سەبارەت بە بابەتە نێودەوڵەتییەکان و هەوڵ دان بۆ کۆتایی هێنان بە شەڕی یەمەن کە نائارامی لە هەموو ناوچەی بەدواوە بووە، باس و وتووێژیان کرد.
وەزیری دەرەوەی عێراق لەم وتووێژەدا وێرای وتووێژ لە سەر دانوستانەکانی ڤیەن، داکۆکی کردە سەر درێژەی دانوستانەکانی نێوان تاران و ڕیاز و کاریگەرییە ئەرێنییەکانی لە سەر هەموو ناوچە.
ئەمیرعەبدوڵاهیان و فواد حسێن داکۆکیان کردە سەر هاوکاری و وتووێژی دوو وڵات بە مەبەستی دابین کردنی بەرژەوەندییەکان دوو لایەن و هەروەها وڵاتانی دیکەی ناوچە.