بە ڕاپۆرتی ئاژانسی هەواڵی مێهر، یازدەهەمین خولی فێستیڤاڵی فیلمی کوردی بەرلین لەلایەن کۆمپانی سینەمایی میتعس فیلم، بە بەڕێوەبەرایەتی مەمەد ئۆکتاش، بە دەرهێنەریی هونەری کانی مەعرووف فیلمسازی کورد و بە نمایش کردنی ئاسەوارێک لە سینەماکارانی کورد و وڵاتانی جیاوازی جیهان، لە بەشی جیاوازی چیرۆک، بەلگەیی و هەروەها بەشی کێبڕکێی کورتە فیلم، بە شێوەی بەشداری ڕاستەوخۆ و بە لەبەرچاو گرتنی رێنماییە تەندروستییەکان و هەروەها بە شێوەی ئۆنلاین بۆ هۆگران لە سینەماکانی کوردستان لە سەرتاسەری جیهان لە ڕۆژانی 22 تا 28 ی ڕەزبەر لە سینەماکانی بابیلۆن، مۆفینتۆ و ئێف ئێس کی لە شاری بەرلین بەڕێوە دەچێت.
ئەو فێستیڤاڵە کە لە دوینێ پێنجشەممەوە دەستی پێکردووە تا چوارشەممە 27 ی ڕەزبەر درێژەی دەبێت و لە هەر ڕۆژێکدا دوو تا سێ فیلم نمایش دەکرێت.
ئەو ڕووداوە سینەماییە لە ساڵی 2002 ەوە دامەزراوە و گەورەترین فێستیڤاڵی فیلمی کوردی لە سەرتاسەری ئەورووپا دێتە ئەژمار.