بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان لە پەراوێزی کۆبوونەوەی گشتی نەتەوەیەکگرتووەکان، لە کۆبوونەوەی شوێنگیری کۆنفڕانسی بەغدا لە نیۆیۆرک، وتی: لە نەبوونی گفتوگۆ و دانوستان، دەرفەتەکان، ئیمکانات و سەرچاوەی وڵاتەکان و دەوڵەتەکانی ناوچەکە لە جیاتی گەشە و پێشکەوتن، خەرجی بواری سەربازی دەکرێت و قەیران و ئاڵۆزی و شەڕیش هەر درێژەی دەبێت.
لە ئەو کۆبوونەوە کە نوێنەرانی ئەو وڵات و رێکخراوانە کە لە کۆنفڕانسی بەغدا بەشدار بوون، ئامادە بوون، وەزیری دەرەوەی ئێران وتی: ئێران بەردەوام لەسەر گفتوگۆ ناوچەییەکان جەختی هەبووە. مێژوو و ڕاستییەکانی 100 ساڵی دوایی ناوچەی ڕۆژاوای ئاسیا نیشنای دەدات کە ئەکتەری بیانی لەمپەری سەرەکی یەک نەگرتن و لە ئەنجامدا گەشەی سەقامگیری ناوچەکە بووە.