بە ڕاپۆرتی ئاژانسی هەواڵی مێهر لە سپۆتنیک، بە پێی ڕاگەیاندنێک کە لەسەر ماڵپەڕی فەرمی وەزارەتی خەزێنەدای ئەمریکا بڵاو کرایەوە، واشنتۆن چەند کەسی بە بیانووی پێوەندی لەگەڵ هێزی قودسی سوپای پاسداران و هەروەها حزبوڵلای لوبنان گەمارۆ دا.
لە ئەو ڕاگەیێندراوەدا هاتووە کە لانیکەم 13 کەس لەلایەن ئەمریکا گەمارۆ دراون.
بە پێی گەمارۆ نوێیەکان، سەرجەم داراییەکانی ئەو کەسانە دادەخرێن و بە نووسینگەی کۆنترۆڵی داراییەکانی دەرەوەی سەر بە وەزارەتی خەزێنەداری ئەمریکا ڕاپۆرت دەدرێن.
ئەو گەمارۆیانە هەروەها ناردن یان وەرگرتنی پارە، کاڵا یان خزمەت لەلایەن ئەو کەسانەوە و بۆ ئەوان سنووردار دەکاتەوە.