سەرۆکی ڕێکخراوی حەشدی شەعبی لە لێدوانێکدا ڕایگەیاند: حەشدی شەعبی لقێکی سەربازی گرینگ لە عێراق دێتە ئەژمار.

بە ڕاپۆرتی ئاژانسی هەواڵی مێهر لە سومریە نیوز، فالح فەیاز سەرۆکی ڕێکخراوی حەشدی شەعبی قسەگەلێکی سەبارەت بە ئەو گرووپە بەرخۆدانە هێنایە ئاراوە. ناوبراو لەو بارەوە وتی: حەشدی شەعبی لقێکی سەربازی گرینگ لە عێراق دێتە ئەژمار.

بە گوێرەی ئەم ڕاپۆرتە، سەرۆکی ڕێکخراوی حەشد لە درێژەدا وتی: حەشدی شەعبی بنکەیەکی سەربازی هاوپەیوەند بە هێزە چەکدارەکانی عێراقە و لە ژێر فەرمانی فەرماندەیی گشتی ئۆپراسیۆنی هاوبەش چالاکی دەکات.

فەیاز لە درێژەدا وتیشی: گەلی عێراق بنەمای سەرەکی حەشدی شەعبییە. ناوبراو پێشتر وتبووی: حەشدی شەعبی لە داهاتوودا سەروەریی گەلی عێراق دەستەبەر دەکات. هەموو عێراقییەکان ئەبێ لە پێگەی ڕێکخراوی حەشدی شەعبی پارێزوانی بکەن.

سەرۆکی حەشدی شەعبی لە درێژەدا وتیشی: پێگەی ئێستای حەشدی شەعبی بە خوێن و جەهاد بەدەست هاتووە. هەر بۆیە هەمووان ئەبێ دەست بدەنە دەستی یەکەوە تا خەوشێک بەر حەشد نەکەوێت.