بە ڕاپۆرتی ئاژانسی هەواڵی مێهر، ماوەى هەفتەیەکە لە شارەکانى ناوەڕاست و خوارووى عێراق، خۆپیشاندەرانی ناڕازی داواى دابینکردنى خزمەتگوزارییە سەرەتاییەکان دەکەن و ناڕەزایەتییەکەیان بووەتە پیکادان لەگەڵ پۆلیس.
لە دوو ڕۆژى ڕابردوودا حکومەتى عێراق فەرمانى دەستگیرکردنى بۆ هەموو ئەو کەس و چالاکوانانە دەرکرد کە لە تۆڕە کۆمەڵایەتییەکانەوە بانگەشەیان بۆ خۆپیشاندان کردووە و ژمارەیەکى زۆر چالاکوانى کۆمەڵگەى مەدەنى لە بەسرە و میسان و نەجەف دەستگیرکراون.