به ڕاپۆرتی ئاژانسی هه‌واڵی مێهر له نووسینگه‌ی مه‌سروور بارزانی؛ پێش نیوه‌ڕۆی ئه‌مڕۆ سێ شه‌مه ۲۵ی به‌فرانبار راوێژکاری ئەنجومەنی ئاسایشی هەرێمی کوردستان پێشوازی لە محمەد جەواد زەریف، وەزیری دەرەوەی ئێران و شاندی یاوەری کرد.
له دیداری مەسروور بارزانی و وه‌زیری ده‌ره‌وه‌ی ئێراندا پرسه هاوبه‌شه‌كان تاوتووكرا و وه‌زیری ده‌ره‌وه‌ی ئێران هیوای سەرکەوتنی بۆ مەسروور بارزانی خواست لە سەرۆکایەتی کردنی کابینەی نوێی حکوومەتی هەرێمی کوردستان.
لە دیدارێکدا دوا پەرەسەندن و ڕەوشی ناوچەکە و پەرەپێدانی پەیوەندییەکانی نێوان هەرێمی کوردستان و کۆماری ئیسلامی ئێران گفتوگۆی لەسەر کرا.
مەسروور بارزانی، وێڕای بەخێرهێنانی وەزیری دەرەوەی ئێران، تیشکی خستە سەر پەیوەندی لە مێژینەی نێوان هەردوو گەلی کوردستان و گەلانی کۆماری ئیسلامی ئێران و ئاماژەی بە دراوسێیەتی باش و بەرژەوەندییە هاوبەشەکان دا لە سەر بنەمای رێز و ھاوسەنگی دوولایەنە.
هەر لەم دیدارەدا هەڕەشەکانی تیرۆریستان و پەرەسەندنی پەیوەندییەکانی نێوان بەغدا و هەولێر و پرسە هاوبەشەکان و پێشهاتەکانی ناوچەکە تاوتوێکرا.
لەلای خۆیەوە وەزیری دەرەوەی ئێران هیوای سەرکەوتنی بۆ مەسروور بارزانی خواست لە سەرۆکایەتی کردنی کابینەی نوێی حکوومەتی هەرێمی کوردستان و باسی لە بایەخی پەرەپێدان بە میکانیزمی پەیوەندییەکان، بەتایبەتی لە بواری پەیوەندییە ئابورییەکان لە چوارچێوەی پەیوەندییە ئابووریەکانی ئێران و عێراق کرد.
زه‌ریف رایگەیاند: سەقامگیری و ئاسایشی هەرێمی کوردستان و عێراق بۆ ئێران گرینگە و لەو پێناوەدا ئامادەی پەرەپێدانی ھەموو ھاوکارییەکانن.
بۆچوونی ئێوە