بە ڕاپۆرتی ئاژانسی هەواڵی مێهر، عەدنان هادی ئەسەدی لە سەرکردەکانی هاوپەیمانی نووری مالیکی سەرۆکی هاوپەیمانی دەوڵەتی یاسا و هادی عامری سەرۆکی هاوپەیمانی فەتح ڕایگەیاند کە پرسی کەرکووک، پرسێکی تەواو عێراقییە و هەڵوێستی ئەو هاوپەیمانییەش سەبارەت بە یەکپارچەیی خاکی عێراق و یەکگرتوویی و یەکڕیزیی خەڵک، تەواو ئاشکرا و ڕوونە و هەموو دەبێ لە ژێر چەتری نیشتمانیدا کۆببنەوە.
ناوبراو جەختی کرد کە تەواو هەواڵە بڵاو کراوەکان سەبارەت بە چارەنووسی کەرکووک و گەڕەنتی دان بە کوردەکان لەبارەی ئەو پارێزگایە لە بری پەیوەست بوونیان بەو هاوپەیماییە و پێکهێنانی دەوڵەتی عێراق، درۆیە و تا ئێستا هیچ گەڕەنتییەک لەبارەی چارەنووس و داهاتووی کەرکووک بە کوردەکان نەدراوە و هیچ ڕێککەوتنێک لەوبارەیە واژۆ نەکراوە.
ئەسەدی وتیشی کە ئەو هاوپەیمانییە لە گەڵ تەواو لایەنە سیاسی و پێکهاتە جۆراوجۆرەکانی عێراقی بە شێوەی یەکسان گفتوگۆی کردووە و سیاسەتێکی نیشتمانیی گرتۆتە بەر.
بۆچوونی ئێوە