به ڕاپۆرتی ئاژانسی مێهر له هاوار نیوز، لێژنه‌ی ئاوه‌دان کردنه‌وه‌ی شاری ڕه‌قه ڕایگه‌یاند که له دوای ئازادی شاری ڕه‌قه تاکوو ئێسته ۹۰۰ ته‌رمی خه‌ڵکی سڤیلیان دۆزیوه‌ته‌وه که به ده‌ستی داعش کوژراون و له گۆڕی به کۆمه‌ڵ نێژراون.
شایانی باسه که له کاتی ئازاد کردنی ڕه‌قه له ده‌ستی داعشییه‌کان، ئه‌ندامانی داعش ئه‌و خه‌ڵکانه‌ی له شاره ڕایان ده‌کرد، ده‌کوشت و له گۆڕ ده‌خست.
لێژنه‌ی ئاوه‌دان کردنه‌وه‌ی شاری ڕه‌قه گرووپێکی تایبه‌تی بۆ دۆزینه‌وه و پشکینی گۆڕه به کۆمه‌ڵه‌کانی تیرۆریسته‌کانی داعش پێکهێناوه و تاکوو ئێسته زیاتر له ۹۰۰ ته‌رمیان تێدا دۆزیوه‌ته‌وه.
تیرۆریسته‌کانی داعش له یاریگای ڕه‌شیدی شاری ڕه‌قه بۆ گۆڕی به کۆمه‌ڵ سوودیان بردووه و تاکوو ئێسته ته‌نیا له‌م شوێنه ۶۰۰ ته‌رم دۆزراوه‌ته‌وه.
شایانی باسه که زۆربه‌ی ته‌رمه‌کان هین ژن و منداڵانی ناوچه‌که‌ن و ڕوون نییه که کێن و له چ بنه‌ماڵه‌یه‌کین.
بۆچوونی ئێوە