ده‌رخستنی کانگا له‌ کوردستان سنووردار ده‌کرێته‌وه‌

سه‌رۆکی ڕێکخراوی ژینگه‌ پارێزیی ئێران وتی: مۆڵه‌ت ناده‌ین له‌ ناوچه‌ سروشتییه‌ پارێزراوه‌کانی کوردستان کاری دۆزینه‌وه‌ و ده‌رخستنی کانگا ئه‌نجام بدرێت، چون ئه‌م کاره‌ له‌گه‌ڵ یاساکانی ئێران دژایه‌تی هه‌یه‌.

به‌ ڕاپۆرتی ئاژانسی مێهر، مه‌عسوومه‌ ئێبتکار له‌ کۆبوونه‌وه‌ی ئه‌نجومه‌نی به‌رنامه‌ی پارێزگای کوردستان وتی: زرێبار یه‌کێکه‌ له‌ جوان ترین گۆله‌کانی ئێران که‌ ده‌وڵه‌تی یازده‌یه‌م گرنگییه‌کی یه‌کجار زۆری به‌م گۆله‌ داو و نه‌یهێشتووه‌ به‌ره‌و له‌ناوچوون بڕوات.

ئه‌و زیادی کرد: گرنگ ترین کار بۆ پاراستنی گۆلی زرێبار دوورخستنه‌وه‌ی زێرابی گونده‌کانی ده‌وروبه‌ری زرێبار بووه‌، ئه‌م گوندانه‌ له‌ کۆنه‌وه‌ زێرابه‌که‌یان ده‌چووه‌ سه‌ر ئه‌م گۆله‌، هه‌روه‌ها به‌رمان گرت به‌ داگیر کردنی ڕۆخه‌کانی ئه‌م گۆله‌وه‌. چونکوو ئه‌م ڕۆخانه‌ مڵکی گشتی شاره‌که‌یه‌.

ئێبتکار له‌مباره‌وه‌ وتی: تاکوو به‌ر له‌ ده‌وڵه‌تی ڕۆحانی ڕێژه‌ی مڵکه‌ گشتییه‌کانی کوردستان ۱۱ له‌ سه‌د بوو که‌ ئێسته‌ ئه‌مه‌ بۆ ۱۷ له‌ سه‌د به‌رز بووه‌ته‌وه‌ و ئه‌و که‌سانه‌ی که‌ مڵکی گشتیان داگیر کردبوو لێیان وه‌رگیراوه‌ته‌وه‌ و ئه‌م پڕۆسه‌یه‌ش درێژه‌ی ده‌بێت.

ئه‌و جه‌ختی کرد: له‌ ئێستادا ۱۰ له‌ سه‌دی خاکی پارێزگای کوردستان له‌ لایه‌ن ژینگه‌پارێزیی ئێرانه‌وه‌ به‌ ناوچه‌ی پارێزراوی سروشتی دیاری کراوه‌، ئێمه‌ هه‌وڵمان داوه‌ به‌ مه‌به‌ستی پاراستنی زیاتری ئه‌م ناوچانه‌ له‌ خه‌ڵکی خودی ناوچه‌که‌ یارمه‌تی وه‌ربگرین و ئه‌مه‌ش ده‌رنجامی باشی بووه‌ چون خودی خه‌ڵکی گونده‌کان دڵسۆزی زیاتریان بۆ سروشته‌که‌یان هه‌یه‌. هه‌روه‌ها هه‌لی کاریشی ڕه‌خساندووه‌.

سه‌رۆکی ڕێکخراوی ژینگه‌ی ئێران وتی: ئێمه‌ له‌ هه‌وڵی ئه‌وه‌داین که‌ په‌ره‌ به‌ گه‌شتیاری سروشت له‌ ئێراندا بده‌ین و ژینگه‌ی کوردستانیش یه‌کێکه‌ له‌و ژینگه‌ جوانانه‌ی که‌ گه‌شتیاری باش ده‌توانێت له‌ خۆی کۆبکاته‌وه‌. هه‌روه‌ها گونده‌کانی کوردستان لێهاتوویی زۆر باشیان بۆ ڕاکێشانی گه‌شتیار هه‌یه‌ که‌ ده‌بێت له‌ سه‌ر ئه‌م بابه‌ته‌ سه‌رمایه‌دانه‌ری بکرێت. 

ئه‌و جه‌ختی کرد: ئیداره‌ی کانگا و بازه‌رگانی کوردستان داوای له‌ ئێمه‌ کردووه‌ تاکوو له‌ ناوچه‌یه‌کی پارێزراوی سروشتی کاری دۆزینه‌وه‌ی کانگا ئه‌نجام بده‌ن، به‌ڵام به‌ دڵنیایه‌وه‌ ئێمه‌ ڕه‌تمان کردووه‌ته‌وه‌ و ڕێگه‌ ناده‌ین له‌و ژینگانه‌ که‌ به‌ پێی یاساکانی ئێران ناوچه‌ی پارێزراون کاری پیشه‌یی و کانگاییان تێدا بکرێت چون هه‌موو ژینگه‌که‌ ده‌ستکاری ده‌کات. منیش ده‌زانم کانگا بایه‌خی زۆره‌، چ کێشه‌یه‌ک هه‌یه‌ با ئه‌و کانگایانه‌ بمێنێته‌وه‌ بۆ نه‌وه‌کانی داهاتوو تاکوو به‌ تێکنۆلۆژیای باشتر که‌ ژینگه‌ش ده‌پارێزێت ده‌ری بێنن. ئێمه‌ له‌ جێگه‌ی ئه‌وه‌ ده‌ستمان کردووه‌ به‌ نمام چاندن له‌ شوێنه‌ پارێزراوه‌کاندا.

ئێبتکار سه‌باره‌ت به‌ کێشه‌ی خۆڵ بارین وتی: ئێمه‌ دانوستانی زۆرمان له‌گه‌ڵ وڵاتی عێراق ئه‌نجام داوه‌، ئه‌م وڵاته‌ له‌ شه‌ڕێکی سه‌ختدایه‌ مۆڵه‌تی کاری ژینگه‌ی به‌ به‌رپرسانی ئه‌م وڵاته‌ نادات و ئه‌مه‌ش کێشه‌یه‌کی گه‌وره‌یه‌. دوو مانگه به‌ر له‌ ئێستا ده‌وڵه‌تی عێراق پێی ڕاگه‌یاندین که‌ ئاماده‌یی ئه‌وه‌یان هه‌یه‌ تاکوو گۆله‌کان ببووژێننه‌وه‌ و له‌ بیاوانه‌کان نمام چاندن بکه‌ن. له‌ عێراقدا ۸ ملیۆن دۆنم بیاوان هه‌یه‌ که‌ سه‌رچاوه‌ی خۆڵ بارینن که‌ ده‌بێت چاره‌سه‌ر بکرێن.

شایانی باسه‌ مه‌عسومه‌ ئێبتکار، سه‌رۆکی ڕێکخراوی ژینگه‌ پارێزیی ئێران دوێنێ سه‌ردانی شاری سنه‌ی کرد.

News Code 9996

نیشانەکان

بۆچوونی ئێوە

You are replying to: .
  • 5 + 8 =