هێرشی سایبری کرایه‌ سه‌ر وه‌زاره‌تی ناوخۆی ڕووسیا

دوای هێرشێکی به‌رفراوانی ئینترنتی بۆ سه‌ر کۆمپیوتره‌کانی جیهان، وه‌زاره‌تی ناوخۆی ڕووسیاش ڕایگه‌یاند که‌ چه‌ند هێرشێکی له‌و جۆره‌ کراوه‌ته‌ سه‌ریان.

به‌ ڕاپۆرتی ئاژانسی مێهر له‌ ڕاشا توده‌ی، ده‌یان هه‌زار کۆمپیوتر له‌ ۷۴ وڵاتی جیهان له‌ لایه‌ن ویروسێکه‌وه‌ هێرشیان کرایه‌ سه‌ر. ئه‌م ویروسه‌ کۆمپیوتره‌کان قفڵ ده‌کات و دواتر داوا ده‌کات بۆ کردنه‌وه‌ی کۆمپیوتره‌که‌ ده‌بێت پاره‌ به‌ ژماره‌ حسابێکی بانکی بدرێت.

به‌ پێی ئه‌م ڕاپۆرته‌، ئه‌م ویروسه‌ له‌ چه‌ند نۆبه‌ی جیاواز داوای پاره‌ ده‌کات تاکوو دیسانه‌وه‌ کۆمپیوتره‌که‌ بکاته‌وه‌. ئه‌گه‌ر خاوه‌نی کۆمپیوتره‌که‌ ئه‌م پاره‌یه‌ نه‌دات، ناچار ده‌بیت سه‌ر له‌ نوێ هه‌موو کۆمپیوتره‌که‌ دابڕێژێته‌وه‌ و ئه‌گه‌ر ئه‌مه‌ش ڕوو بدات هه‌موو زانیارییه‌کانی سه‌ر کۆمپیوتره‌که‌ی ده‌په‌ڕێت و له‌ناو ده‌چێت. هه‌ر به‌م هۆیه‌وه‌ زۆر که‌س ناچاره‌ که‌ ئه‌م بڕه‌ پاره‌یه‌ بدات تاکوو دوباره‌ ده‌ستی به‌ به‌رنامه‌کانی سه‌ر کۆمپیوتره‌که‌ی بگات.

زۆربه‌ی شارازه‌یانی کۆمپیوتر ناوی چه‌ته‌ی ئینترنتیان له‌ ویروسه‌ ناوه‌.

دواجار وه‌زاره‌تی ده‌ره‌وه‌ی ڕووسیاش ڕایگه‌یاند که‌ له‌ لایه‌ن ئه‌م ویرووسه‌وه‌ هێرش کراوه‌ته‌ سه‌ر ناوه‌نده‌ حکومییه‌کان، به‌ڵام زۆر زوو به‌م بابه‌ته‌یان زانیوه‌ و به‌ریان پێ گرتووه‌ تاکوو هه‌موو کۆمپیوتره‌کانی ئه‌م وڵاته‌ نه‌گرێته‌وه‌.

شایانی باسه‌ که‌ ئه‌م ویروسه‌ ئێسته‌ له‌ سه‌رتانسه‌ری جیهاندا بڵاو بووه‌ته‌وه‌ و بۆ کردنه‌وه‌ی هه‌ر کۆمپیوترێک داوای ۳۰۰ دولار باج ده‌کات. وڵاتی بریتانیاش ڕایگه‌یاندووه‌ که‌ سیستمی ته‌ندروستی ئه‌م وڵاته‌ش له‌ لایه‌ن ئه‌م ویروسه‌ چه‌ته‌وه‌ هێرش کراوه‌ته‌ سه‌ری.

News Code 9980

نیشانەکان

بۆچوونی ئێوە

You are replying to: .
  • 1 + 6 =