ئازادکردنی ده‌یان ناوچه‌ی موسڵ و کوژرانی ۱۳۲۱ داعشی

سه‌رچاوه‌ عێراقییه‌کان ڕایانگه‌یاند که‌ به‌ ده‌یان ناوچه‌ی دیکه‌ له‌ ڕۆژئاوای موسڵ ئازاد بووه‌ و زیاتر له‌ ۱۳۲۱ داعشیش له‌م ئۆپراسیۆنه‌دا کوژراون.

به‌ ڕاپۆرتی ئاژانسی مێهر له‌ ئه‌لنه‌هره‌ین، سه‌رچاوه‌ عێراقییه‌کان ڕایانگه‌یاند: له‌ ئۆپراسیۆنه‌کانی چه‌ند ڕۆژی پێشوو گونده‌کانی حه‌مزه‌، حه‌راقیات، حسینییه‌، ته‌ل کیسوم، ئیبراهیمییه‌، شێخ یونس، دیباجه‌، له‌زاکه‌ و سه‌حابی ئازاد بوون.

سه‌رچاوه‌ عێراقییه‌کان هه‌روه‌ها ئاماژه‌یان به‌ ئازاد بوونی شه‌قامه‌کانی موشیرییه‌ی یه‌که‌م، دووهه‌م و سێهه‌م، که‌نیسه‌ی میخائیل و ۳۰ جولای له‌ چه‌ند ڕۆژی پێشوو له‌ لای ڕاستی مووسڵ کردووه‌ و ڕایانگه‌یاند که‌ ۱۱۱۷۵۰ که‌سی سڤیل له‌م ناوچانه‌ به‌ سڵامه‌ت ڕزگار کراون. هه‌روه‌ها ۱۲۸۳۵ که‌سی بریندار ده‌وا کراون و ۵ بنه‌ماڵه‌ که‌ له‌ لایه‌ن داعشه‌وه‌ ده‌ستگیر کرابوون ئازاد کران.

له‌ درێژه‌ی ئه‌م ڕاپۆرته‌دا هاتووه‌ که‌ له‌ میانه‌ی شه‌ڕی چه‌ند ڕۆژی پێشوو زیاتر له‌ ۱۳۲۱ تیرۆریستی داعشی کوژراون که‌ زۆربه‌یان به‌رپرس و فه‌رمانده‌کانی داعش بوون. هه‌روه‌ها ۱۳۹ ئۆتۆمبیکی بۆمب رێژکراو و ۱۵ ئۆتۆمبیلی پڕ له‌ چه‌ک و ۱۹۰ بۆمب ده‌ستی به‌سه‌ردا گیراوه‌.

له‌ لایه‌کی دیکه‌وه‌ تانکێکی تی ۵۵ی داعش ته‌قێندراوه‌ته‌وه‌ و زیاتر له‌ ۴۵ تۆنلی داعش وێران کراوه‌. شایانی باسه‌ که‌ ئۆپراسیۆنی ئازاد کردنی موسڵ ماوه‌ی چه‌ند مانگێکه‌ که‌ ده‌ستی پێ کردووه‌ و هێزه‌ عیراقییه‌کان له‌ ئان و ساتی ئازادی ته‌واوی شاره‌که‌ دان.

News Code 9976

نیشانەکان

بۆچوونی ئێوە

You are replying to: .
  • 4 + 2 =