گۆڕانکارییه‌کانی عێراق و سووریا په‌یوه‌نده‌ به‌ ئاسایشی تورکیاوه‌

سه‌رۆک کۆماری تورکیا ڕایگه‌یاند که‌ هه‌موو ناوچه‌که‌ و گۆڕانکارییه‌کانی سووریا و عێراق پرسی ئاسایشی نه‌ته‌وه‌یی تورکیان.

به‌ ڕاپۆرتی ئاژانسی مێهر له‌ دۆغان نیوز، ڕه‌جه‌ب ته‌یب ئه‌ردۆغان، سه‌رۆک کۆماری تورکیا له‌ کۆنفڕانسێکی ڕۆژنامه‌وانی هاوبه‌ش له‌گه‌ڵ سه‌رۆک کۆماری سیرالێئۆن وتی: له‌گه‌ڵ سووریا ۹۱۱ کیلۆمه‌تر و له‌گه‌ڵ عێراق ۳۵۰ کیلۆمه‌تر سنووری هاوبه‌شمان هه‌یه‌. گرووپه‌ تیرۆریستییه‌کانی ئه‌م وڵاتانه‌ ئێمه‌ی نیگه‌ران کردووه‌.

ئه‌و له‌ درێژه‌دا وتی: ئێمه‌ له‌ به‌رنابه‌ر تیرۆریسته‌کان دانی زۆرمان به‌خۆماند ناوه‌ و چی دیکه‌ی قبووڵی ناکه‌ین. ئێمه‌ ئه‌وه‌ی له‌ ده‌ستمان بێت خۆمان ئه‌نجامی ده‌ده‌ین. ئێمه‌ ۳ ملیۆن ئاواره‌ی سووریمان په‌نا داوه‌. ئێمه‌ شه‌ڕی هه‌موو تیرۆریسته‌کان ده‌که‌ین و چاک و خراپیان نییه‌ بۆ ئێمه‌. 

ئه‌ردۆغان که هیچ ئاماژه‌یه‌کی به‌ یارمه‌تییه‌کانی ده‌وڵه‌تی تورکیا به‌ گرووپه‌ تیرۆریستییه‌کان له‌ سووریا و عێراق نه‌کرد، پاگه‌نده‌ی کرد: ئێمه‌ له‌ ئۆپراسیۆنی قه‌ڵغانی فورات زیاترین داعشیمان کوشتووه‌ و هیچ وڵاتێک ئه‌م ده‌ستکه‌وته‌ گه‌وره‌ی ئێمه‌ی نه‌بووه‌. ئێمه‌ به‌ هه‌موو جیهان سه‌ڵماندمان که‌ تاکوو تورکیا هه‌یه‌ بۆ شه‌ڕی دژ به‌ تیرۆر پێویستیان به‌ هیچ گرووپێکی دیکه‌ نییه‌.

ئه‌و له‌ درێژه‌ی قسه‌کانی خۆی وتی: به‌ هه‌ر هۆیه‌ک بێت نابێت شه‌ڕی دژ به‌ داعش ببێته‌ هۆی ئه‌وه‌ی که‌ ئێمه‌ له‌ گرووپێکی تیرۆریستی دیکه‌ پشتیوانی بکه‌ین. من زۆر به‌ ئاشکرا ده‌ڵێم که‌ هه‌موو ناوچه‌که‌ و گۆڕانکارییه‌کانی سووریا و عێراق ئه‌منیه‌تی نه‌ته‌وه‌یی تورکیان. ده‌بێت هاوپه‌یمانه‌کانی ئێمه‌ پشتوانی له‌ ئێمه‌ بکه‌ن نه‌ک گرووپه‌ تیرۆریستییه‌کان. من نیگه‌رانی خۆم له‌ دیدار له‌گه‌ڵ دۆناڵد ترامپ له‌مباره‌وه‌ ڕاده‌گه‌یه‌نم.

شایانی باسه‌ که‌ ئه‌مریکا هه‌فته‌ی ڕابردوو بڕیاری دا تاکوو چه‌کی قورس ڕاده‌ستی په‌یه‌ده‌ بکات و ئه‌مه‌ش تورکیای هه‌راسان کردووه‌ و یه‌ک له‌ دوای یه‌ک به‌رپرسانی تورکیا لێدوان له‌ دژی ئه‌م بڕیاره‌ ده‌ده‌ن.

News Code 9971

نیشانەکان

بۆچوونی ئێوە

You are replying to: .
  • 2 + 8 =