مه‌ترسییه‌کانی ئینترنه‌ت بکه‌ینه‌ ده‌رفه‌ت بۆ جیهانی ئیسلام

نوێنه‌ری ڕێبه‌ری باڵای ئێران له‌ پارێزگای کوردستان ئاماژه‌ی به‌ کارامه‌ییه‌کانی ئینترنت کرد و وتی: مه‌ترسییه‌کانی تۆڕه‌ کۆمه‌ڵایه‌تییه‌کان ده‌بێت بکه‌ینه‌ ده‌رفه‌تی باش بۆ جیهانی ئیسلام.

به‌ ڕاپۆرتی ئاژانسی مێهر له‌ نووسینگه‌ی نوێنه‌ری ڕێبه‌ری باڵای ئێران له‌ پارێزگای کوردستان، ئایه‌توڵا سه‌ید محه‌مه‌د شاهرودی وتی: دینی ئیسلام دینێکی جیهانییه‌ و هی هه‌موو خه‌ڵکی جیهانه‌ ئه‌م دینه‌ دژی توندڕه‌وییه‌ و تاکوو جیهانیش ماوه‌ ده‌مێنێته‌وه‌.

ئه‌و زیادی کرد: دووڕووی و نیفاق و ڕیا گورز له‌ جیهان و کۆمه‌ڵگای ئێمه‌ ده‌دات و ئیسلام دژی ئه‌م جۆره‌ هه‌ڵسوکه‌وتانه‌یه‌ و ده‌بێت له‌ به‌رانبه‌ر ئه‌مه‌دا بوه‌ستینه‌وه‌. له‌م نێوانه‌دا ئه‌رکی مامۆستایانی ئاینی زۆر به‌رزه‌ و ڕای وایه‌ یه‌ک که‌سایه‌تییه‌کی ئاینی کارێک ده‌کات که‌ به‌ هه‌زاران که‌س ناکرێت. 

ئه‌و له‌ درێژه‌دا ئاماژه‌ی به‌ ئینترنت و کارامه‌یی ئه‌م ئامێره‌ کرد و وتی: ئێمه‌ به‌ باشی ده‌توانین هه‌موو مه‌ترسییه‌کانی ئینترنت و تۆڕه‌ کۆمه‌ڵایه‌تییه‌کان بکه‌ینه‌ ده‌رفه‌تێک بۆ جیهانی ئیسلام. 

ئایه‌توڵا شاهرودی له‌ کۆتایدا جه‌ختی کرد: ئه‌وه‌ی گرنگه‌ ئه‌م بابه‌ته‌یه‌ که‌ ئێمه‌ چۆن له‌ ئامێر و ده‌ستکه‌وته‌ نوێیه‌کان که‌ڵک ده‌به‌ین تاکوو کۆمه‌ڵگای ئێمه‌ په‌ره‌ و گه‌شه‌ی زیاتر بسێنێت.

News Code 9970

نیشانەکان

بۆچوونی ئێوە

You are replying to: .
  • 3 + 8 =