قۆناغی چواره‌می ئۆپراسیۆنی تووڕه‌یی فورات ده‌ستی پێ کرد

ژووی ئۆپراسیۆنی تووڕه‌یی فورات ئه‌مڕۆ ڕاگه‌یاند که‌ قۆناغی چواره‌می ئازاد کردنی شاری ڕه‌قه‌ له‌ دژی داعش ده‌ستی پێ کردووه‌.

به‌ ڕاپۆرتی ئاژانسی مێهر له‌ سپۆنتیک، ژووی ئۆپراسیۆنی تووڕه‌یی فورات ئه‌مڕۆ ڕاگه‌یاند که‌ قۆناغی چواره‌می ئازاد کردنی شاری ڕه‌قه‌ له‌ دژی داعش ده‌ستی پێ کردووه‌. ئامانجی ئه‌م ئۆپراسیۆنه‌ کۆتایی هێنانی یه‌کجاره‌کی به‌ داعشه‌.

له‌ ڕاگه‌یه‌ندراوه‌که‌ی ژوویی ئۆپراسیۆنی تووڕه‌ییدا هاتووه‌: هێزه‌کانی ئێمه‌ له‌ کاتژمێر ۶ به‌یانی قۆناغی چواره‌می ئۆپراسیۆنی تووڕه‌یی فوراتیان ده‌ست پێ کردووه‌ و حه‌وت کیلۆمه‌تر پێشڕه‌ویان کردووه‌ و دوو گوندی جه‌لا و میسلۆنیان ئازاد کردووه‌. هێزه‌کانی ئێمه‌ له‌ پێشڕه‌وی دان بۆ ته‌نگ تر کردنه‌وه‌ی ئابڵۆقه‌دانی داعش له‌ ڕه‌قه‌.

شایانی باسه‌ که‌ کوردی سووریا ڕۆژی ۶ی نۆڤامبه‌ر ئۆپراسیۆنی ئازاد کردنی ڕه‌قه‌یان ده‌ست پێ کرد و له‌م ماوه‌دا به‌ ده‌یان گوند و شارۆچکه‌یان له‌ ده‌ورووبه‌ری ڕه‌قه‌ ئازاد کردووه‌.

بڕیار وایه‌ که‌ هێزه‌کانی هاوپه‌یمانی به‌ مه‌به‌ستی تاوتوێ کردنی ئۆپراسیۆنی دژ به‌ داعش له‌ سووریا و عێراق کۆبوونه‌وه‌یه‌ک له‌ کۆپنهاگ به‌ڕێوه‌ ببه‌ن.

News Code 9929

نیشانەکان

بۆچوونی ئێوە

You are replying to: .
  • 1 + 3 =