ترامپ سه‌رۆکی ده‌زگای هه‌واڵگری ئه‌مریکای دوور خسته‌وه‌

کۆشکی سپی ڕۆژی ڕابردوو ڕایگه‌یاند که‌ جیمز کۆمی، سه‌رۆکی پۆلیسی فدراڵی ئه‌مریکا (FBI) ی له‌ سه‌رپه‌ره‌شتی ئه‌م ده‌زگایه‌ لابردووه‌.

به‌ ڕاپۆرتی ئاژانسی مێهر له‌ سی ئێن ئێن،  دۆناڵد ترامپ جیمز کۆمی، سه‌رۆکی پۆلیس فدراڵی ئه‌مریکا (FBI) ی له‌ سه‌رپه‌ره‌شتی ئه‌م ده‌زگا هه‌واڵگریه‌ لابردووه‌.

شۆن سپایسێر، وته‌بێژی کۆشکی سپی له‌مباره‌وه‌ وتی: سه‌رۆک کۆماری ئه‌مریکا بڕیاری دا تاکوو له‌ سه‌ر داوای داواکاری گشتی و جێگری داواکاری گشتی ئه‌مریکا سه‌رۆکی ئێف بی ئای بگۆڕێت.

شایانی باسه‌ که‌ جیمز کۆمی هه‌فته‌ی ڕابردوو له‌ به‌رانبه‌ر ئه‌ندامانی لێژنه‌ی دادوه‌ری کۆنگرێس ڕایگه‌یاند که‌ سه‌دان و هه‌زاران ئیمیل که‌ زانیاری گرنگی تێدا بووه‌ له‌ لایه‌ن هوما عابه‌ده‌ین، ڕاوێژکاری باڵای کلینتۆنه‌وه‌ بۆ کۆمپیوترێکی که‌سێک به‌ ناوی ئانتۆنی وینێر ڕه‌وانه‌ کراوه‌ که‌ ئه‌مه‌ کارێکی نایاساییه‌.

به‌ڵام دواین ڕاپۆرته‌کان نیشانی ده‌ده‌ن که‌ ئه‌م لێدوانه‌ گه‌وره‌ کراوه‌ته‌وه‌ و ئێسته‌ ئێف بی ئای له‌ دوای ئه‌وه‌یه‌ تاکوو ئه‌م هه‌ڵه‌ چاک بکاته‌وه‌ و شتی وا ڕووی نه‌داوه‌.

تاکوو ئێستا ڕوون نه‌بووه‌ته‌وه‌ که‌ بۆچی جیمز کۆمی وه‌ها قسه‌یه‌کی له‌ به‌رانبه‌ر کۆنگرێسی ئه‌مریکادا کردووه‌.

ئه‌مه‌ له‌ حاڵێک دایه‌ که‌ هیلاری کلینتۆن پێشتر ئاماژه‌ی دابوو که‌ یه‌کێک له‌ هۆکاره‌کانی شکست خواردنی ئه‌و له‌ هه‌ڵبژاردنه‌کان ئه‌وه‌ بوو که‌ سه‌رۆکی ئێف بی ئای ڕاست له‌ کاتی هه‌ڵبژاردنه‌کان بوختانی بۆ دروست کردووه‌، بێ ئه‌وه‌ی هیچ به‌ڵگه‌یه‌ک بخاته‌ به‌رده‌ست. 

شایانی باسه‌ یه‌ک ڕۆژ به‌ر له‌وه‌ی هه‌ڵبژاردنه‌کانی ئه‌مریکا بکرێت، ئێف بی ئای ئه‌مریکا ڕایگه‌یاند که‌ به‌ سه‌دان ئیمیل له‌ که‌سانی نزیکی کلینتۆنه‌وه‌ دزه‌ی کردووه‌ته‌ ده‌ره‌وه‌ و سه‌رقاڵی لێکۆڵینه‌وه‌ین تاکوو به‌ڵگه‌کان پشت ڕاست بکه‌ینه‌وه‌.

News Code 9912

نیشانەکان

بۆچوونی ئێوە

You are replying to: .
  • 8 + 2 =