ڕێبه‌ری ئیخوانی میسر به‌ زیندانی تاهه‌تایی سزا درا

دادگای تاوانی قاهیره‌، محه‌مه‌د به‌دیع، سه‌رۆکی به‌ره‌ی ئیخوانولموسلمینی له‌ ژێر که‌یسی "ژووری پیلانی چواره‌م" به‌ زیندانی هه‌تا هه‌تایی سزا دا.

به‌ ڕاپۆرتی ئاژانسی مێهر له‌ ماڵپه‌ڕی ئه‌لنه‌شره‌، محه‌مه‌د به‌دیع، سه‌رۆکی ئیخوانولموسلمینی میسر له‌ لایه‌ن دادگای باڵای ئه‌م وڵاته‌وه‌ به‌ زیندانی هه‌تا هه‌تایی سزا درا.

به‌ پێی ئه‌م ڕاپۆرته‌، حوکمی دادگای قاهیره‌ له‌ دژی محه‌مه‌د به‌دیع دوای ئه‌وه‌ دێت که‌ ئه‌م که‌سایه‌تییه‌ ئاینییه‌ به‌ له‌ سێداره‌ دان سزا درابوو.

ئه‌م حوکمه‌ له‌ ژێر ناوی که‌یسی "ژووری پیلانی چواره‌م" دراوه‌ که‌ زۆربه‌ی ئیخوانولموسلمینه‌کانی گرتووه‌ته‌وه‌ که‌ ده‌یانه‌ویست به‌ نانه‌وه‌ی ئاژاوه‌ ڕووداوه‌کانی میسر و به‌هاری عه‌ره‌بی له‌ سوودی خۆیان بگۆڕن.

هه‌روه‌ها دادگای میسر ۱۵ که‌سی دیکه‌شی له‌ ئیخوانه‌کان به‌ زیندانی درێژخایه‌ن سزا داوه‌. 

پێشتر محه‌مه‌د به‌دیع به‌ له‌ سێداره‌ دان سزا درابوو، به‌ڵام دادگا پێداچوونه‌وه‌ی میسر ئه‌م سزایه‌ی هه‌ڵوه‌شانده‌وه‌.

News Code 9909

نیشانەکان

بۆچوونی ئێوە

You are replying to: .
  • 4 + 10 =