سنوورنشینی کۆڵبه‌ر قاچاخچی نییه‌/هه‌موومان ده‌بێ یه‌کسان بین

یه‌کێک له‌ به‌ربژاره‌کانی دوازده‌هومین خولی سه‌رۆک کۆماری ئێران وتی: مه‌به‌ستی ئێمه‌ له‌ قاچاخچی ئه‌و که‌سانه‌ن که‌ هه‌زار هه‌زار و به‌ لۆری که‌ل و په‌ل دێننه‌ ناو ئێران، نه‌ک که‌سێکی سنوورنشین که‌ به‌ ڕه‌نجی کۆڵی خۆی کاسبی ده‌کات.

به‌ ڕاپۆرتی ئاژانسی مێهر، محه‌مه‌د باقر قاڵیباف به‌ربژاری دوازده‌هومین خولی سه‌رۆک کۆماریی ئێران له‌ دیدار له‌گه‌ڵ ژماره‌یه‌ک خه‌ڵکی کوردستان دیداری کرد، وتی: له‌مڕۆدا قه‌یرانی بێکاری هه‌موو کۆمه‌ڵگاکه‌ی داگیر کردووه‌، بێکاری کورد و تورک و فارس و عه‌ره‌ب و به‌لوچ ناناسێت و هه‌مووی تووشی ئه‌م ده‌رده‌ بوون.

ئه‌و زیادی کرد: بۆ له‌ناو بردنی بێکاری له‌ سنووره‌کانه‌وه‌ ده‌ست پێ ده‌که‌ین. یه‌کێک له‌ کێشه‌کانی ئیمه‌ له‌ شاره‌وانی تاران ئه‌وه‌ بوو که‌ ده‌وڵه‌ت هاوکاری ئێمه‌ی نه‌ده‌کرد، ئێمه‌ هه‌م گه‌ماڕۆی ده‌ره‌وه‌ له‌ سه‌رمان بوو هه‌م گه‌ماڕۆ ناوخۆ.

ئه‌م به‌ربژاره‌ی سه‌رۆک کۆماریی ئێران جه‌ختی کرد: سوێندی شه‌ره‌ف ده‌خۆم که‌ بۆچوونی ئێمه‌ ئێرانی و مرۆڤانه‌ بێت و به‌لامانه‌وه‌ دین و زمانی که‌س گرنگ نه‌بێت و نه‌بێته‌ هۆی ئه‌وه‌ی له‌ کار دوور بخرێته‌وه‌، ئێمه‌ به‌ر له‌ هه‌رچی شته‌، گشتمان ئێرانین و مافی یه‌کسانمان هه‌یه‌.

قاڵیباف وتی: بێکاری ڕاستییه‌کی زۆر جه‌رگبڕه‌، هه‌ڵبه‌ت گومانی تێدا نییه‌ که‌ شارۆمه‌ندانی سه‌ر سنووره‌کان و خه‌ڵکی کوردستان دۆخێکی سه‌خت تریان هه‌یه‌ که‌ ده‌بێت ئه‌م نایه‌کسانییه‌ چاره‌سه‌ر بکرێت. کێشه‌ی ئێمه‌ ئه‌و ۴ له‌ سه‌ده‌یه‌ له‌ ئێراندا که‌ هه‌رچی شته‌ بۆ ئه‌وانه‌ و خه‌ڵکی هه‌ژار هیچیان پێناگات. قاچاخچی ئه‌و که‌سانه‌ن که‌ به‌ هه‌زاران لۆری که‌لوپه‌ل قاچاخی ناو ئێران ده‌که‌ن، نه‌ک که‌سێکی هه‌ژاری سنوورنشین که‌ به‌ ڕه‌نجی کۆڵی خۆی کاسبی ده‌کات.

News Code 9907

نیشانەکان

بۆچوونی ئێوە

You are replying to: .
  • 4 + 13 =