کاردانه‌وه‌ی ئێران به‌ هه‌واڵی دیوار هه‌ڵچنین له‌ سنووری تورکیا

سه‌رچاوه‌یه‌کی ئاگادار له‌ وه‌زاره‌تی ده‌ره‌وه‌ی ئێران ڕایگه‌یاند که‌ هه‌بوونی دیوار له‌ سنووره‌کانی نێوان تورکیا و ئێران کێشه‌ی قاچاخ کردنی که‌ل و په‌لی تورکی بۆ ئێران چاره‌سه‌ر ده‌کات.

به‌ ڕاپۆرتی ئاژانسی مێهر، سه‌رچاوه‌یه‌کی ئاگادار له‌ وه‌زاره‌تی ده‌ره‌وه‌ی ئێران ڕایگه‌یاند که‌ ئێران له‌ دروست کردنی دیوار له‌ سنووره‌کانی نێوان تورکیا و وڵاته‌که‌ی ئاگاداره‌ و کێشه‌ی له‌گه‌ڵی نییه‌، به‌ڵام ده‌بێت به‌ ئاگاداری ئێران بێت.

 ئه‌م سه‌رچاوه‌ زیادی کرد: تورکیا مافی خۆیه‌تی له‌ خاکی خۆیدا ئه‌م کاره‌ بکات. ئه‌م بابه‌ته‌ به‌ ئێمه‌ش وتراوه‌ و کێشه‌یه‌کمان نییه‌ ئه‌گه‌ر به‌ ئاگاداری ئێران ئه‌نجام بێت.

له‌ درێژه‌ی قسه‌کانی ئه‌م به‌رپرسه‌ی ئێراندا هاتووه‌: کۆنترۆڵی باشی سنووره‌کان کارێکی باشه‌، چون  ئه‌م کاره‌ ده‌توانێت کێشه‌ی قاچاخ کردنی که‌ل و په‌لی تورکیش بۆ ئێران چاره‌سه‌ر بکات، به‌ڵام ئه‌م کاره‌ کاتی زۆری ده‌وێت.

ئه‌وه‌شی وت که‌ به‌ پێی ئاماره‌کان ساڵانه‌ ته‌نیا دو ملیار دۆلار جل و به‌رگی تورکی بۆ ناو ئێران قاچاخ ده‌کرێت و ئه‌گه‌ر ئه‌م دیواره‌ دروست بێت ئه‌م کێشه‌یه‌ چاره‌سه‌ر ده‌بێت و له‌ سوودی ئابووری ئێرانه‌. که‌واته‌ ئێمه‌ چاوه‌ڕوانین که‌ زووتر ئه‌نجامی بده‌ن چون له‌ سوودی ئابووری  ئێرانییه‌.

شایانی باسه‌ که‌ له‌ میانه‌ی چه‌ند ڕۆژی ڕابردوودا به‌رپرسانی تورکیا ڕایانگه‌یاند بوو که‌ له‌ سنووره‌کانی ئێران و تورکیا و به‌ مه‌به‌ستی ڕووبه‌ڕووبوونه‌وه‌ی په‌که‌که‌ دیوارێک به‌ درێژی ۱۰۰ کیلۆمه‌تر دروست ده‌که‌ن.

News Code 9905

نیشانەکان

بۆچوونی ئێوە

You are replying to: .
  • 6 + 12 =