ڕۆحانی پیرۆزبایی له‌ ماکرۆن کرد

سه‌رۆک کۆماری ئێران له‌ میانه‌ی په‌یامێکدا پیرۆزبایی هه‌ڵبژاردنی سه‌رۆک کۆماری نوێی فه‌ڕه‌نسای کرد.

به‌ ڕاپۆرتی ئاژانسی مێهر، حه‌سه‌ن ڕۆحانی، سه‌رۆک کۆماری ئێران له‌ په‌یامێکدا پیرۆزبایی له‌ سه‌رکه‌وتنی ئێمانۆئل ماکرۆن، سه‌رۆک کۆماری نوێی فه‌ڕه‌نسا کرد و هیوای خواست که‌ ئه‌م سه‌رکه‌وتنه‌ ببێته‌ به‌ستێنێک بۆ په‌ره‌دان به‌ په‌یوه‌ندی باشتر له‌ نێوان تاران و پاریس.

له‌ درێژه‌ی ئه‌م په‌یامه‌دا هاتووه‌: هیوادارم هه‌ڵبژاردنی ئێوه‌ ببێته‌ هۆی ئه‌وه‌ی که‌ زیاتر له‌ جاران په‌یوه‌ندییه‌کانی نێوان ئێران و فه‌ڕه‌نسا په‌ره‌بسێنێت. 

سه‌رۆک کۆماری ئێران جه‌ختی کردووه‌ که‌ تاران ئاماده‌یه‌ تاکوو په‌ره‌ به‌ هاوکارییه‌کانی خۆی له‌گه‌ڵ فه‌ڕه‌نسا بدات به‌ تایبه‌ت له‌ پرسه‌ ناوچه‌یی و جیهانییه‌کاندا.

شایانی باسه‌ که‌ ڕۆژی یه‌کشه‌مه‌ ئیمانۆئل ماکرۆن به‌ ده‌نگی ۶۵ له‌ سه‌د به‌ سه‌ر ماری لۆپه‌نی ڕه‌گه‌ز په‌ره‌ستدا زاڵ بوو.

News Code 9884

نیشانەکان

بۆچوونی ئێوە

You are replying to: .
  • 9 + 2 =