تورکیا هێرشی کرده‌وە سه‌ر کوردی سووریا

تورکیا جارێکی دیکه‌ و له‌ ڕێگه‌ی خومپاره‌وه‌ هێرشی کرده‌ سه‌ر کوردی سووریا و ناوچه‌ی ته‌ل ڕه‌فعه‌تی به‌ خه‌ستی بۆردمان کرد.

به‌ ڕاپۆرتی ئاژانسی مێهر، تورکیا جارێکی دیکه‌ و له‌ ڕێگه‌ی خومپاره‌وه‌ هێرشی کرده‌ سه‌ر کوردی سووریا و ناوچه‌ی ته‌ل ڕه‌فعه‌تی به‌ خه‌ستی بۆردمان کرد.

به‌ پێی ئه‌م ڕاپۆرته‌، گرووپه‌کانی سه‌ر به‌ ده‌وڵه‌تی تورکیا ته‌ل ڕه‌فعه‌تیان له‌ شه‌هبا به‌ خه‌ستی به‌ خومپاره‌ بۆردمان کرد.

سه‌رچاوه‌ مێدیاییه‌کانی سووریا ڕایانگه‌یاند که‌ دوێنێ شه‌و هێزه‌کانی سه‌ر به‌ ده‌وڵه‌تی تورکیا شاری ته‌ل ڕه‌فعه‌تیان خومپاره‌ باران کردووه‌. له‌م هێرشانه‌دا خه‌ساری مادی زۆر به‌ر خه‌ڵکی سڤیلی ناوچه‌که‌ که‌وتووه‌، به‌ڵام تاکوو ئێسته‌ له‌ زیانی گیانی خه‌ڵکی ناوچه‌که‌ هیچ ئامارێک بڵاو نه‌کراوه‌ته‌وه‌.

شایانی باسه‌ که‌ سوپای تورکیا به‌رده‌وام باکووری سووریا و ناوچه‌کانی ژێر کۆنترۆڵی کوردی سووریا ده‌کاته‌ ئامانج، ماوه‌یه‌ک به‌ر له‌ ئێستا فڕۆکه‌کانی تورکیا له‌ هێرش بۆ سه‌ر شه‌نگال و باکووری سووریا زیاد له‌ ۶ هێزی پێشمه‌رگه‌ و ۲۰ شه‌رڤانیان کوشت.

تورکیا به‌ فه‌رمی ڕایگه‌یاندووه‌ که‌ ڕێگه‌ نادات کوردی سووریا به‌ مافه‌ ڕه‌واکانی خۆی بگات و بۆ ئه‌م مه‌به‌سته‌ش داوای له‌ ڕووسیا و ئه‌مریکا کردووه‌ هاوکاری بکه‌ن.

News Code 9873

نیشانەکان

بۆچوونی ئێوە

You are replying to: .
  • 1 + 1 =