۱۴۴ له‌ سه‌د دۆزینه‌وه‌ی ماده‌ی هۆشبه‌ر لە کوردستان زیادی کردووه‌

فه‌رمانده‌ی پۆلیسی پارێزگای کوردستان ڕایگه‌یاند که‌ له‌ ۴۵ ڕۆژی ڕابردوودا ۱۴۴ له‌ سه‌د دۆزینه‌وه‌ی ماده‌ی هۆشبه‌ر به‌ نیسبه‌ت ساڵی پار له‌م کاته‌دا زیادی کردووه‌.

به‌ ڕاپۆرتی ئاژانسی مێهر، عه‌باس نه‌زه‌ری ڕایگه‌یاند که‌ له‌ سه‌ره‌تای ساڵی نوێوه‌ تاکوو ئێسته‌ ۱۴۴ له‌ سه‌د دۆزینه‌وه‌ ماده‌ی هۆشبه‌ر به‌ نیسبه‌ت هه‌مان کات له‌ ساڵی ڕابردوودا به‌رز بووه‌ته‌وه‌.

ئه‌و زیادی کرد: له‌ ئێستادا ۵۷ شوێنی که‌سانی تووش بوو به‌ ماده‌ی هۆشبه‌ر دۆزراوه‌ته‌وه‌ که‌ بڕیار وایه‌ شاره‌وانی شاری سنه‌ ئه‌م شوێنانه‌ خاوێن بکاته‌وه‌. چه‌ند شوێنێک له‌ سنه‌ بۆ ئێمه‌ بووه‌ته‌ کێشه‌ که‌ ده‌بێت هه‌رچی زووتره‌ کارێکی تێدا بکه‌ین.

فه‌رمانده‌ی پۆلیسی کوردستان وتی: ئێمه‌ کێشه‌یه‌کمان نییه‌ که‌ که‌سانی تووش بوو به‌ ماده‌ی هۆشبه‌ر له‌ ۲۴ کاتژمێردا کۆبکه‌ینه‌وه‌، کێشه‌که‌ ئه‌وه‌یه‌ که‌ ماڵی تایبه‌ت به‌م که‌سانه‌ که‌ خاوێنیان بکاته‌وه‌ بوونی نییه‌ و ئه‌مه‌ش ده‌بێت له‌ لایه‌ن به‌رپرسانه‌وه‌ کارێکی بۆبکرێت.

ئه‌و زیادی کرد: ئێسته‌ که‌مپێک له‌ کوشتارگای کۆنی سنه‌ ساز کراوه‌، به‌ڵام ته‌نیا ده‌توانێت ۹۹ که‌س له‌ خۆی بگرێت و ئه‌مه‌ش که‌مه‌. هه‌وه‌ها ئه‌م که‌مپانه‌ ده‌بێت بتوانن ماوه‌یه‌کی زیاتر ئه‌م که‌سه‌ نه‌خۆشانه‌ له‌ خۆیان بگرن تاکوو به‌ ته‌واوی ده‌رمان بن، نیوه‌چڵ ده‌رمان کردن کاریگه‌ری نییه‌ و زۆربه‌یان دیسان ده‌چنه‌وه‌ بۆ سه‌ر ماده‌ی هۆشبه‌ر.

ئه‌و هه‌روه‌ها له‌ کۆتاییدا جه‌ختی کرد که‌ له‌ ساڵی نوێوه‌ تاکوو ئێسته‌ ۴۰۰ که‌سمان له‌ پارێزگای کوردستان ده‌ستگیر کردووه‌ که‌ ماده‌ی هۆشبه‌ریان بڵاو کردووه‌ته‌وه‌.

News Code 9872

نیشانەکان

بۆچوونی ئێوە

You are replying to: .
  • 6 + 2 =