فستیڤاڵی ئه‌زلام له‌ کوردستان به‌ڕێوه‌ ده‌چێت

به‌ڕێوه‌به‌ری ڕێکخراوه‌ی ته‌بلیغاتی ئیسلامی کوردستان له‌ به‌ڕێوه‌ چوونی فستیڤاڵی ئه‌زلام له‌ کوردستان هه‌واڵی دا.

به‌ ڕاپۆرتی ئاژانسی مێهر، حوجه‌تولئیسلام موختار که‌ره‌می، له‌ کۆنفڕانسێکی ڕۆژنامه‌وانیدا ڕایگه‌یاند: کێشه‌ کۆمه‌ڵایه‌تییه‌کان له‌م سه‌رده‌مه‌دا یه‌کێکه‌ له‌ گه‌وره‌ترین خه‌ساره‌کانی هه‌ر وڵاتێک که‌ ده‌بێت به‌ دوای ڕێکاری باش بۆ ئه‌م خه‌سارانه‌وه‌ بین.

ئه‌و زیادی کرد: کێشه‌ی ماده‌ هۆشبه‌ره‌کان و کحولیات له‌م ڕۆژگاره‌دا خه‌سارێکی زۆری له‌ کۆمه‌ڵگاکان داوه‌ و ده‌بێت ئێمه‌ به‌ دوای ئه‌وه‌وه‌ بین که‌ نه‌وه‌ی نوێ له‌م خه‌سارانه‌ دوور بکه‌ونه‌وه‌. بۆ ئه‌مه‌ مه‌به‌سته‌ش ته‌بلیغات ئیسلامی پارێزگای کوردستان چه‌ندین به‌رنامه‌ی جدی به‌دسته‌وه‌یه‌ که‌ یه‌کێکیان فستیڤاڵی ئه‌زلامه‌.

که‌ره‌می جه‌ختی کرد: ئه‌م فستیڤاڵه‌ له‌ چوارچێوه‌ی گرته‌ی ڤیدیۆیی ۱۵۰ چرکه‌یی و له‌ سێ به‌شدا به‌ڕێوه‌ ده‌چێت. له‌ به‌شداربوانی فستیڤاله‌که‌ داوامان کردووه‌ که‌ گرته‌ ڤیدیۆییه‌کانی خۆیان له‌م خه‌ساره‌ کۆمه‌ڵایه‌تیانه‌ بۆ ئێمه‌ بنێرن. ئه‌مه‌ ده‌توانێت لاوانی ئێمه‌ هان بدات تاکوو له‌ سۆنگه‌ی که‌سێکی لێکۆڵه‌ره‌وه‌ له‌ دوای لێکۆڵینه‌وه‌ له‌م خه‌ساره‌ بن، هه‌روه‌ها ده‌توانێت دواتر ببێته‌ سه‌رچاوه‌یه‌کی باش بۆ لێکۆڵینه‌وه‌ی شاره‌زایانی کۆمه‌ڵایه‌تی له‌ خه‌ساره‌ کۆمه‌ڵایه‌تییه‌کان.

به‌ڕێوه‌به‌ری ته‌بلیغات ئیسلامی کوردستان زیادی کرد: ئامانجی سه‌ره‌کی ئه‌م فستیڤاڵه‌ هاندانی لاوانه‌ به‌ره‌و ئه‌م بابه‌ته‌ی که‌ زیاتر هه‌ستیار بن له‌ به‌رانبه‌ر خه‌ساره‌ کۆمه‌ڵایتییه‌کانی وه‌ک کحولیات و ماده‌ هۆشبه‌ره‌کان و زۆر خه‌ساری کۆمه‌ڵایه‌تی دیکه‌. هه‌وڵ ده‌درێت تاکوو هه‌ستی به‌رپرسیاریه‌تی له‌ لاوانی کۆمه‌ڵگادا زیندوو بکرێته‌وه‌.

ئه‌و له‌ کۆتاییدا ئاماژه‌ی دا که‌ دوایین مۆڵه‌تی ناردنی به‌رهه‌مه‌کان تاکوو ۶ی جۆزه‌ردانی ۹۶ی هه‌تاوییه‌ و وتی: ئه‌وانه‌ی خوازیاری به‌شداری کردن له‌م فستیڤاڵه‌ دان ده‌توانن سه‌ردانی ئه‌م ماڵپه‌ڕه‌ بکه‌ن: www.Tebyan-kd.ir .

News Code 9862

نیشانەکان

بۆچوونی ئێوە

You are replying to: .
  • 8 + 5 =