هێزه‌کانی تورکیا ناچنه‌ ئه‌دله‌ب

پارێزگاری هاتای له‌ تورکیا ڕایگه‌یاند که‌ ده‌نگۆی ناردنی هێزی سه‌ربازی تورکیا بۆ پارێزگای ئه‌دله‌بی سووریا ڕه‌ت ده‌که‌ینه‌وه‌.

به‌ ڕاپۆرتی ئاژانسی مێهر له‌ حوڕیه‌ت ده‌یلی، پارێزگاری هاتای له‌ باشووری تورکیا ڕایگه‌یاند که‌ ده‌نگۆی ناردنی هێزی سه‌ربازی بۆ ئه‌دله‌بی سووریا دووره‌ له‌ ڕاستی.

له‌م ڕاگه‌یه‌ندراوه‌دا هاتووه‌: ئه‌م پاگه‌نده‌یه‌ که‌ تورکیا ده‌یه‌وێت هێزی سه‌ربازی ڕه‌وانه‌ی باکووری سووریا بکات دووره‌ له‌ ڕاستی و ئێمه‌ ڕه‌تی ده‌که‌ینه‌وه‌ و تورکیا هێز بۆ ئه‌دله‌ب نانێرێت.

ڕۆژی پێشووی دوای ئه‌وه‌ی که‌ سێ وڵاتی ڕووسیا و ئێران و تورکیا پێکه‌وه‌ له‌ سه‌ر ناوچه‌ی که‌م ناکۆک ڕێککه‌وتن، دژبه‌ره‌کانی تورکیا ڕایانگه‌یاند که‌ نامه‌یه‌ک له‌ به‌رپرسانی تورکیا به‌ ده‌ستیان گه‌یشتووه‌ که‌ ده‌یانه‌وێت به‌شێک له‌ سوپای ئه‌م وڵاته‌ به‌ مه‌به‌ستی دابین کردنی ئه‌منیه‌ت بۆ ئه‌و ڕێککه‌وتنه‌ له‌ ده‌ورووبه‌ری ئه‌دله‌ب جێگیر بکه‌ن. 

ئه‌م سه‌رچاوانه‌ زیادیان کرد که‌ ئه‌م نامه‌یه‌ له‌ لایه‌ن هه‌نارده‌ی تایبه‌تی سه‌رۆک کۆماری تورکیا بۆ کار و باری سووریا به‌ ده‌ستیان گه‌یشتووه‌. ئه‌وان جه‌ختیان کردبوو که‌ تورکیا هۆشداری به‌ دژبه‌ره‌کانی سووریا داوه‌ که‌ نابێت له‌ به‌رانبه‌ر ئه‌م بڕیاره‌دا ڕابوه‌ستن.

سه‌رچاوه‌ مێدیاییه‌کان هه‌روه‌ها ئاماژه‌یان داوه‌ که‌ تورکیا ۳ بنکه‌ی سه‌ربازی له‌ ئه‌دله‌ب، جه‌سه‌ر شه‌غوور و حاره‌م دروست کردووه‌ و ده‌یه‌وێت هێزه‌ سه‌ربازییه‌کانی به‌ زوویی تێدا جێگیر بکات.

News Code 9859

نیشانەکان

بۆچوونی ئێوە

You are replying to: .
  • 7 + 5 =