۳ هه‌زار په‌نابه‌ر له‌ ده‌ریای ناوه‌ڕاست ڕزگار کراون

هێزه‌کانی سنووره‌وانی ده‌ریایی ئیتالیا ڕایانگه‌یاند که‌ زیاتر له‌ ۳ هه‌زار که‌سی په‌نابه‌ریان له‌ ده‌ریای ناوه‌ڕاست له‌ مردن ڕزگار کردووه‌.

به‌ ڕاپۆرتی ئاژانسی مێهر له‌ ڕادیۆ ئاڵمانیا، هێزه‌کانی سنووره‌وانی ده‌ریایی ئیتالیا شه‌وی ڕابردوو ڕایانگه‌یاند که‌ نزیک به‌ ۳ هه‌زار په‌نابه‌ر که‌ له‌ دوای گه‌یشتن به‌ وڵاتانی ئه‌ورووپایی بوو له‌ ده‌ریای ناوه‌ڕاست له‌ مردن ڕزگار کراون.

هێزه‌کانی سنووره‌وانی ده‌ریایی ئیتالیا هه‌ر له‌مباره‌وه‌ ئاماژه‌ی دا: ئه‌م ژماره‌یه‌ له‌ په‌نابه‌ران له‌ ۲۰ ئۆپراسیۆنی جیاواز و به‌ به‌شداری پۆلیسی ده‌ریایی ئیتالیا، هێزه‌ ده‌ریاییه‌کانی یه‌کێتی ئه‌ورووپا و ڕێکخراوه‌ جه‌ماوه‌رییه‌کان ڕزگار کراون.

به‌ پێی ڕاپۆرته‌کان، سنووره‌وانی ئیتالیا تاکوو ئێستا ڕاینه‌گه‌یاندووه‌ که‌ ئه‌م په‌نابه‌رانه‌ خه‌ڵکی چ وڵاتێکن.

شایانی باسه‌ که‌ ڕێکخراوی نێونه‌ته‌وه‌یی په‌نابه‌ران ڕایگه‌یاند که‌ تاکوو ۲۶ ئاڤریلی ئه‌مساڵ (۶ی گوڵان) زیاتر له‌ ۴۳ هه‌زار په‌نابه‌ر له‌ ڕێگه‌ی ده‌ریای ناوه‌ڕاسته‌وه‌ خۆیان به‌ ئه‌ورووپا گه‌یاندووه‌ که‌ نزیک به‌ هه‌زار که‌س له‌م پانابه‌رانه‌ یان کوژراون یان ئه‌وه‌ی بێ سه‌ر و شوێن بوون.

News Code 9846

نیشانەکان

بۆچوونی ئێوە

You are replying to: .
  • 2 + 14 =