هێرشی داعش له‌ که‌رکووک تێکشکێندرا

ژمارەیەک چەکداری رێکخراوی تیرۆریستی داعش هێرش دەکەنە سەر بنکەیەکی سەربازیی لە پارێزگای کەرکووک و هێزەکانی پێشمەرگەی هه‌رێمی کوردستان هێرشەکەیان تێکشکاندووە.

به‌ ڕاپۆرتی ئاژانسی هه‌واڵی مێهر له‌ باس نیوز، عەمید سەرحەد قادر، بەڕێوەبەری پۆلیسی قەزا و ناحییەکانی کەرکووک لە لێدوانێکی رۆژنامەوانیدا رایگەیاندووە، کە بەرەبەیانی ئه‌مڕۆ یەکشەممە "ژمارەیەک چەکداری داعش هێرشیان کردە سەر بنکەی سەربازیی ئاسمانیی کەیوان لە رێگای نێوان کەرکووک - دووبز."

بە وتەی عەمید سەرحەد قادر، یەکێک لە چەکدارەکانی داعش لە ناو بنکەکە خۆی تەقاندووەتەوە و ئەوانی دیکەش بە دەستی پێشمەرگە کوژراون و هێرشەکە پووچەڵ کراوەتەوە.

لە مانگی حوزەیرانی ۲۰۱۴ و لە سەردەمی سەرۆک وەزیرانیی نوری مالیکی و دوای هەرەس پێهێنانی سوپای عێراق، چەکدارانی داعش شاری شه‌نگال و زۆربەی ناوچەکانی سنووری شارۆچکەی حەویجە لە پارێزگای کەرکووک و پارێزگاکانی نەینەوا، سەڵاحەدین، دیالە و ئەنباریان داگیر کرد.

News Code 9843

نیشانەکان

بۆچوونی ئێوە

You are replying to: .
  • 4 + 0 =