سوپای تورکیا له‌ ئه‌دله‌بی سووریا جێگیر ده‌بێت

مێدیاکانی سووریا ڕایانگه‌یاندووه‌ که‌ تورکیا له‌ چوارچێوه‌ی ڕێککه‌وتنی که‌م کردنه‌وه‌ی ناکۆکییه‌کان له‌ چه‌ند ناوچه‌یه‌ک هێزی سه‌ربازی له‌ ئه‌دله‌بی سووریا جێگیر ده‌کات.

به‌ ڕاپۆرتی ئاژانسی مێهر له‌ مه‌یادین، سه‌رچاوه‌ نزیکه‌کان له‌ دژبه‌ره‌کانی سووریا ڕایانگه‌یاندووه‌ که‌ نامه‌یه‌کیان له‌ فه‌رمانداری شاری هاتای له‌ تورکیا وه‌رگرتووه‌ که‌ ئاماژه‌ی داوه‌ تورکیا ده‌یه‌وێت هێزی سه‌ربازی زیاتر له‌ ئه‌دله‌ب جێگیر بکات، تاکوو ئاسایشی ئه‌م ناوچه‌یه‌ بپارێزێت.

ئه‌م سه‌رچاوانه‌ زیادیان کردووه‌ که‌ ئه‌م نامه‌یه‌ له‌ لایه‌ن که‌سانی نزیک له‌ به‌رپرسانی تورکیا ڕاده‌ستی ڕێبه‌رانی گرووپه‌ چه‌کداره‌کان کراوه‌ و چه‌ندین هۆشداریی ئه‌منیش له‌ ڕێگه‌ی ئه‌م نامه‌وه‌ به‌ دژبه‌ره‌کانی سووریا دراوه‌.

سه‌رچاوه‌ مێدیاییه‌کانی سووریا هه‌روه‌ها ڕایانگه‌یاندووه‌ که‌ تورکیا له‌ دوای ئه‌وه‌یه‌ که‌ ۳ بنکه‌ی سه‌ربازی دیکه‌ له‌ ناوچه‌کانی ئه‌دله‌ب، جه‌سه‌رولشغور و حاره‌م بکاته‌وه‌ که‌ له‌ ڕێککه‌وتنی که‌م کردنه‌وه‌ی ناکۆکییه‌کان له‌ چه‌ند ناوچه‌یه‌ک هیچ ئاماژه‌یه‌ک به‌م بابه‌تانه‌ نه‌کراوه‌.

شایانی باسه‌ که‌ ئێران، ڕووسیا و تورکیا ڕۆژی پێنج شه‌مه‌ی ڕابردوو له‌ پایته‌ختی قه‌زاقستان ڕێککه‌وتنێکیان پێکه‌وه‌ واژۆ کرد که‌ داوا ده‌کات تاکوو له‌ شاره‌کانی ئه‌دله‌ب، لازقییه‌، حومس، حه‌ڵه‌ب و حه‌ما و هه‌روه‌ها ده‌میشق و ده‌رعا و قه‌نیتره‌ ناکۆکییه‌کان که‌م بکرێته‌وه‌.

News Code 9831

نیشانەکان

بۆچوونی ئێوە

You are replying to: .
  • 6 + 4 =