ره‌ئیسی له‌ ئازاری سوننه‌کان تێده‌گات

نوێنه‌ری خه‌ڵکی سیستان و به‌لوچستان له‌ مه‌جلیسی خوبره‌کانی ڕێبه‌ری وتی: کێشه‌ و که‌موکۆڕییه‌کانی ئه‌هلی سوننه‌ یه‌کجار زۆره‌ و حوجه‌تولئیسلام ڕه‌ئیسی ئاگاداری ئه‌م بابه‌تانه‌یه‌.

به‌ ڕاپۆرتی ئاژانسی مێهر، مه‌وله‌وی نه‌زیر ئه‌حمه‌د سه‌لامی، نێونه‌ری مه‌جلیسی خوبره‌کانی ڕێبه‌ری له‌ کۆبوونه‌وه‌ی مامۆستایانی ئه‌هلی سوننه‌تی ئێران بۆ پشتیوانی کردن له‌ سه‌ید ئیبراهیم ڕه‌ئیسی وتی: هاتنه‌ پای سه‌ندووقه‌کانی ده‌نگ دان یه‌که‌مایه‌تییه‌، بێ ئه‌وه‌ی گوێ به‌مه‌ بده‌ین که‌ خه‌ڵک به‌ کێ ده‌نگ ده‌دات.

ئه‌و ئاماژه‌ی دا که‌ ئاماده‌ بوون له‌ پای سه‌ندووقه‌کانی ده‌نگدانی به‌ پێی ئایاتی قورئانی ئه‌رکێکی ئیسلامییه‌ و وتی: ده‌نگدان ئه‌مانه‌تێک و ڕاسپێردراوێکه‌، که‌واته‌ ده‌بێت هۆشیار بین و به‌ چاکترین که‌س ده‌نگ بده‌ین، من له‌سه‌ر ئه‌م باوه‌ڕه‌م که‌ حوجه‌تولئیسلام ره‌ئیسی باشترین که‌سه‌.

ئه‌و زیادی کرد: حوجه‌تولئیسلام ڕه‌ئیسی که‌سێکی باشه‌ و ئه‌مانه‌ت و شه‌هاده‌تی ئێوه‌ به‌ باشی له‌ ئه‌ستۆ ده‌گرێت.

سه‌لامی جه‌ختی کرد که‌ هه‌موو که‌س ده‌بێت ده‌نگ بدات و وتی: کێشه‌کان و که‌م و کۆڕییه‌کانی ئه‌هلی سوننه‌ یه‌کجار زۆره‌ و حوجه‌تولئیسلام ڕه‌ئیسی خۆی له‌ هه‌موو که‌س باشتر کێشه‌ و ئازاری خه‌ڵکی سوننه‌ ده‌زانێت.

ئه‌و له‌ کۆتاییدا وتی: داواکاری ئێمه‌ ئه‌وه‌یه‌ که‌ ناوچه‌ی ئازادی چابه‌هار په‌ره‌ی زیاتری پێبدرێت و خوێندنگه‌ی ژێر خێمه‌ نه‌مێنێت . هه‌روه‌ها بورسیه‌ دان به‌ خوێندکارانی سیستان و به‌لوچستان داوایه‌کی دیکه‌ی ئێمه‌یه‌.

News Code 9820

نیشانەکان

بۆچوونی ئێوە

You are replying to: .
  • 7 + 2 =