کیم جۆنگ ئۆن: ئاماده‌ی هێرش کردن بن

ڕێبه‌ری کۆریای باکوور له‌ میانه‌ی سه‌ردان له‌ ئامێره‌ سه‌ربازییه‌کانی ئه‌م وڵاته‌ له‌ سه‌ر سنووره‌کان ڕایگه‌یاند که‌ ئێمه‌ به‌ ته‌واوی ئاماده‌ی هێرش کردن بۆ سه‌ر کۆریای باشوورین.

به‌ ڕاپۆرتی ئاژانسی مێهر له‌ میرێر، کیم جۆنگ ئۆن، سه‌رۆکی کۆریای باکوور ڕوو له‌ سوپاکه‌ی خۆی وتی: ته‌واو ئاماده‌ بن تاکوو هه‌ر کات من فه‌رمانم دا هێرش بکه‌نه‌ سه‌ر دوژمن و پشتی بشکێنن.

ئه‌و ئه‌م فه‌رمانه‌ی له‌ کاتی به‌سه‌ر کردنه‌وه‌ی ئامێره‌ سه‌ربازییه‌کانی سه‌ر سنووره‌کان له‌گه‌ڵ کۆریای باشوور ڕاگه‌یاند.

ئه‌و هه‌روه‌ها جه‌ختی کرد که‌ پلانێکی تۆکمه‌یان به‌ مه‌به‌ستی هێرش کردن بۆ سه‌ر کۆریای باشوور ئاماده‌ کردووه‌.

شایانی باسه‌ کیم جۆنگ ئۆن له‌ ناوچه‌ی یئۆنگ پیۆنگ له‌ ۱۲ کیلۆمه‌تری کۆریای باشوور دیداری کرد و ئه‌م لێدوانه‌ توندانه‌ی داوه‌.

یه‌کینه‌کانی جێگیر کراو له‌م ناوچه‌یه‌، به‌ مووشه‌کی نێوانبڕ ته‌یار کراون، ئه‌م مووشه‌کانه‌ ده‌توانن به‌ ئاسانی خاکی کۆریای باشوور بپێکن.

ئه‌م لێدوانانه‌ی کیم جۆنگ ئۆن له‌ حاڵێکدا بڵاو ده‌بێته‌وه‌ که‌ ناکۆکییه‌کانی نێوان ئه‌مریکا و ئه‌م وڵاته‌ به‌ باڵاترین ئاست گه‌یشتووه‌ و ئه‌گه‌ری شه‌ڕ له‌ ناوچه‌که‌دا قووڵ بووه‌ته‌وه‌.

ئه‌مه‌ له‌ حاڵێک دایه‌ که‌ ئه‌مریکا کۆپاپۆڕی کارل وینسۆنی ڕه‌وانه‌ی سنووره‌کانی کۆریای باکوور کردووه‌ و ڕاشیگه‌یاندووه‌ که‌ هه‌موو ئه‌گه‌ره‌کان له‌ به‌ر ده‌ست دایه‌ و هێرشی سه‌ربازی دوایین ئه‌گه‌ر ده‌بێت.

News Code 9808

نیشانەکان

بۆچوونی ئێوە

You are replying to: .
  • 4 + 6 =