بێکاری گه‌نجانی کوردستان قابیلی قبووڵ کردن نییه‌

به‌ربژاری دوازده‌هومین خولی هه‌ڵبژاردنه‌کانی سه‌رۆک کۆماری له‌ ئێران جه‌ختی کرد: ده‌بێ که‌ڵک له‌ توانه‌کانی کوردستان به‌ تایبه‌ت که‌سایه‌تییه‌ لێهاتووه‌کانی ئه‌م پارێزگایه‌ بگرین.

به‌ ڕاپۆرتی ئاژانسی مێهر، حوجه‌تول ئیسلام سه‌ید ئیبراهیم ره‌ئیسی ئێواره‌ی دوێنێ له‌ کۆبوونه‌وه‌ی هه‌واڵنێران له‌ ماڵی کورد وتی: سنه‌ و ئه‌م ناوچه‌یه‌ هێزی خۆڕاگری و پێشمه‌رگه‌ موسوڵمانه‌کان وه‌بیرمان دێنێته‌وه‌ که‌ له‌به‌رانبه‌ر ئه‌و که‌سانه‌ی دۆخه‌که‌یان نائه‌من ده‌کرد ڕاوه‌ستان. ئه‌م ئه‌منیه‌ته‌ی ئێسته‌ له‌ سایه‌ی ئه‌و تێکۆشانه‌ به‌ ده‌ست هاتووه‌.

ئه‌و له‌ درێژه‌دا وتی: خه‌ڵکی کوردستان فه‌رهه‌نگ و ژیارێکی ده‌وڵه‌مه‌ندیان هه‌یه‌ و ماڵی کورد یه‌کێکه‌ له‌ هێماکانی ئه‌م فه‌رهه‌نگه‌ به‌رزه‌ی کوردستان. هونه‌ر له‌ کوردستان له‌ باڵاترین ئاست دایه‌ و هێشتا هه‌موو لێهاتووییه‌کانی هونه‌ری کودستانییه‌کان به‌ باشی نه‌ناسراوه‌.

ئه‌و وتی: له‌ که‌رتی کشت و کاڵ و ئابووری کاری باش کراوه‌، به‌ڵام ئه‌مه‌ ته‌واو نییه‌ و هێشتا جێگه‌ی کاری زۆر هه‌یه‌. ئه‌مه‌ جوان نییه‌ کوردستان به‌م هه‌مووه‌ هونه‌ر و ده‌وڵه‌مه‌ندییه‌یه‌وه‌ ئه‌م هه‌مووه‌ لاوه‌ بێکاره‌ی هه‌بێت. ئه‌م دۆخه‌ قابیلی قبووڵ کردن نییه‌.

ره‌ئیسی له‌ کۆتاییدا جه‌ختی کرد: ئه‌م دۆخه‌ به‌ یارمه‌تی خودی خه‌ڵکی کوردستان ده‌گۆڕدرێت و ده‌بێت له‌ هه‌موو که‌سایه‌تییه‌کانی کوردستان له‌ ئاسته‌ باڵاکانی ده‌وڵه‌ت که‌ڵک ببه‌ین.

News Code 9757

نیشانەکان

بۆچوونی ئێوە

You are replying to: .
  • 4 + 7 =