فستیڤاڵی یارییه‌ نەریتییەکان له‌ زانکۆ کوردستان ده‌ستی پێ کرد

فستیڤاڵی یارییه‌ نەریتییه‌کان به‌ پشتیوانی ئه‌نجومه‌نی زانستی وه‌رزشی زانکۆ کوردستان ده‌ستی پێ کرد.

به‌ ڕاپۆرتی ئاژانسی مێهر، فستیڤاڵی یارییه‌ نەریتیەکان به‌ پشتیوانی ئه‌نجومه‌نی زانستی وه‌رزشی زانکۆ کوردستان و بنکەی ئه‌هوورای ئه‌م زانکۆیه‌ ئه‌مڕۆ ده‌ستی پێ کرد.

به‌ پێی ئه‌م ڕاپۆرته‌، له‌م فستیڤاڵه‌دا له‌ نێوان ۱۴ جۆر یاری و وه‌رزشی نەریتی که‌ به‌ گرووپی و تاک ئه‌نجام ده‌بن کێبه‌رکێ به‌ڕێوه‌ ده‌چێت. ئه‌م کایانه‌ بریتین له‌: چه‌پ و ڕاس، قەمچان، گورزان، زۆرانبازی ده‌س، چووزان، مله‌ خووکی و قاڕێن و هتد.

هه‌روه‌ها له‌ ته‌نیشت به‌ڕێوه‌ چوونی ئه‌م یاریانه‌، چه‌ندین ئێزگه‌ بۆ فرۆشی که‌ل و په‌له‌ وه‌رزیشییه‌کان و خوارده‌مه‌نی کوردی، دیاری و پیشه‌ی ده‌ستی کراوه‌ته‌وه‌.

یه‌کێک له‌ ئامانجه‌کانی ئه‌م فستیڤاڵه‌ ناساندنی فه‌رهه‌نگی کۆنی کورده‌ به‌ لاوان و خوێندکاره‌کان، بۆ ئه‌م مه‌به‌سته‌ش له‌ ماوه‌ی به‌ڕێوه‌ چوونی ئه‌م فستیڤاڵه‌، چۆنیه‌تی ئه‌نجام بوونی یارییه‌کان وه‌ک وانه‌ له‌ چه‌ندین کاتدا ده‌وترێته‌وه‌.

زانکۆ کوردستان که‌ یه‌کێکه‌ له‌ گه‌وره‌ترین زانکۆ ده‌وڵه‌تییه‌کانی ئێران زیاتر له‌ ۱۰ هه‌زار خوێندکاری هه‌یه‌ و ئه‌م فستیڤاڵه‌ به‌ مه‌به‌ستی ئاشنایی خوێندکاره‌کان به‌ فه‌رهه‌نگی کورد و شاد کردنی کاتی خوێندن له‌م زانکۆیه‌ به‌ڕێوه‌ ده‌بات.

News Code 9749

نیشانەکان

بۆچوونی ئێوە

You are replying to: .
  • 5 + 9 =