شه‌هیدکردنی سنووره‌وانانی ئێران بێ وڵام نابێت

سه‌رۆکی ده‌سه‌ڵاتی دادی ئێران ئاماژه‌ی به‌ شه‌هید بوونی سنووره‌وانانی ئێرانی کرد و وتی: ئه‌و جه‌نایه‌ته‌ی که‌ بووه‌ هۆی کوژرانی سنووره‌وانه‌کانی ئێران له‌ سه‌ر سنووری پاکستان، بێ وڵام نابێت.

به‌ ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی ده‌سه‌ڵاتی دادی ئێران، ئایه‌توڵا ئامولی لاریجانی وتی: هێزه‌ سه‌ربازییه‌کانی ئێران له‌ ناوچه‌که و جیهاندا وه‌ها ئاسایشێکیان ڕه‌خساندووه‌ که‌ هه‌مووان به‌ سه‌رسووڕمانه‌وه‌ سه‌یری ده‌که‌ن، به‌ڵام ئه‌م ئاسایشه‌ به‌ ئاسانی به‌ ده‌ست نه‌هاتووه‌ و له‌ سه‌ر هه‌وڵ و تێکۆشانی دڵسۆزانی وڵاته‌که‌مان به‌ ده‌ست هاتووه‌.

ئه‌و زیادی کرد: هه‌ندێ پێیان وایه‌ که‌ دانوستانه‌کان و ڕێککه‌وتنی ناڤۆکی سێبه‌ری شه‌ڕی له‌م وڵاته‌ دوور خستووه‌ته‌وه‌، به‌ڵام  به‌م جۆره‌ نییه‌ و ئه‌وه‌ ئاستی توانایی وخۆڕاگری خه‌ڵکی ئێرانه‌ که‌ ئه‌م ئه‌منیه‌ت و ئاسایشه‌ی بۆ به‌دی هێناون.

ئایه‌توڵا لاریجانی سه‌باره‌ت به‌ هێرشی تیرۆریستی بۆ سه‌ر سنووره‌وانه‌کانی ئێران وتی: به‌رپرسانی ئیمه‌ ده‌بێت ڕێکاری به‌هێزتر بۆ پاراستنی سنووره‌کان بگرنه‌ به‌ر و هه‌موو هه‌وڵی خۆیان بده‌ن تاکوو ڕۆڵه‌کانی ئێران بپارێزرێن، به‌ڵام من به‌ تیرۆریسته‌کانیش ده‌ڵێم، ئه‌م کاره‌ی ئه‌وان بێ وڵام نابێت و هه‌روه‌ها هیچ کاریگه‌رییه‌کیشی به‌سه‌ر بۆچوونی ئێمه‌وه‌ نییه‌.

ئه‌و له‌ کۆتاییدا ڕه‌خنه‌ی له‌ ناوه‌نده‌کانی مافی مرۆڤ گرت و وتی: ناوه‌نده‌کانی مافی مرۆڤ بۆچی باسی ئه‌م هێرشه‌ تیرۆریستییه‌ ناکه‌ن؟ ئایا ئێران پشتیوانی تیرۆریسته‌؟ بڕوانن چۆن ده‌بینه‌ قوربانی ده‌ستی تیرۆریسته‌کان، بۆ ئێمه‌ وڵامی ئه‌م پرسیارانه‌ ڕوونه‌، ناوه‌نده‌کانی مافی مرۆڤ بۆ به‌رژوه‌ندی چه‌ند وڵاتێک دروست بوون. ئه‌وان هه‌ر ڕۆژ ئێمه‌ مه‌حکوم ده‌که‌ن، به‌ڵام چاویان به‌سه‌ر ئه‌م جه‌نایه‌تانه‌دا به‌ستووه‌.

News Code 9738

نیشانەکان

بۆچوونی ئێوە

You are replying to: .
  • 1 + 2 =