کوژرانی ۳۱۷ عێراقی و بریندار بوونی ۴۰۳ که‌س له‌ مانگی ئاڤریل

نووسینگه‌ی نه‌ته‌وه‌ یه‌کگرتووه‌کان له‌ عێراق ڕایگه‌یاند که‌ به‌ هۆی شه‌ڕی دژ به‌ داعش له‌ میانه‌ی مانگی ئاڤریلدا زیاتر له‌ ۳۱۷ که‌س کوژراون و ۴۰۳ که‌سی دیکه‌ش بریندار بوون.

به‌ ڕاپۆرتی ئاژانسی مێهر له‌ نه‌ته‌وه‌ یه‌کگرتووه‌کان، ڕێژه‌ی قوربانییه‌کانی شه‌ڕی دژ به‌ داعش له‌ عێراق له‌ ماوه‌ی مانگی ئاڤریل ڕاگه‌یه‌ندرا.

نووسینگه‌ی نه‌ته‌وه‌ یه‌کگرتووه‌کان له‌ عێراق ڕایگه‌یاند که‌ به‌ هۆی شه‌ڕی دژ به‌ داعش له‌ میانه‌ی مانگی ئاڤریل زیاتر له‌ ۳۱۷ که‌س کوژراون که‌ ۳۰۹ که‌سیان شارۆمه‌ندی عێراقی بوون. 

هه‌روه‌ها به‌ پێی ئه‌م ڕاپۆرته‌ ۴۰۳ که‌سی دیکه‌ش بریندار بوون که‌ ۳۸۷ که‌سیان عێراقی بوون و ئه‌وانی دیکه‌ خه‌ڵکی وڵاتانی بیانی بوون.

به‌ پێی ئه‌م ئامارانه‌، پارێزگای نه‌ینه‌وا ۲۷۶ که‌س کوژراو و برینداری هه‌بووه‌ که‌ زیاترین ئاستی قوربانییه‌کانی له‌ خۆ گرتووه‌ و ئه‌مه‌ش به‌ هۆی شه‌ڕی دژ به‌ داعش له‌م پارێزگایه‌دا بووه‌.

پێشتر یان کۆبیس، نوێنه‌ری نه‌ته‌وه‌ یه‌کگرتووه‌کان له‌ عێراق ڕایگه‌یاندبوو که‌ شارۆمه‌ندانی عێراقی باجێکی یه‌کجار زۆر بۆ شه‌ڕی دژ به‌ داعش ده‌ده‌ن، به‌ڵام وره‌یان به‌رزه‌ و به‌ره‌و شکست دانی یه‌کجاره‌کی تیرۆریسته‌کانی داعش ده‌ڕۆن.

News Code 9737

نیشانەکان

بۆچوونی ئێوە

You are replying to: .
  • 4 + 13 =