ته‌به‌قه‌ به‌ ته‌واوه‌تی ئازاد کرد

وته‌بێژی هێزه‌ دیموکڕاته‌کانی سووریا ڕایگه‌یاند که‌ شاری ته‌به‌قه‌، له‌ ۵۵ کیلۆمه‌تری شاری ڕه‌قه‌، به‌ ته‌واوی له‌ ده‌ستی تیرۆریسته‌کانی داعش ئازاد کراوه‌.

به‌ ڕاپۆرتی ئاژانسی مێهر له‌ عه‌ره‌بییه‌، ته‌لال سێلۆ، وته‌بێژی هێزه‌ دیموکڕاته‌کانی سووریا ڕایگه‌یاند که‌ شاری ته‌به‌قه‌ له‌ ۵۵ کیلۆمه‌تری شاری ڕه‌قه‌ به‌ ته‌واوی له‌ ده‌ستی تیرۆریسته‌کانی داعش ئازاد کراوه‌.

ئه‌و جه‌ختی کرد که‌ شاره‌که‌ به‌ ته‌واوی له‌ ده‌ستی داعش ئازاد کراوه‌. دوێنێ ئه‌م هێزانه‌ ۹۰ له‌ سه‌دی شاره‌که‌یان ئازاد کردبوو. به‌ڵام ئه‌مشه‌و ئه‌و چه‌ند شه‌قامه‌ش که‌ داعشی تێدامابوو به‌ ته‌واوی ئازاد کرا.

دوێنێ ڕامی عه‌بدولڕه‌حمان، به‌رپرسی ناوه‌ندی ناسراو به‌ مافی مرۆڤی سووریا له‌مباره‌وه‌ وتی: ته‌نیا دوو گه‌ڕه‌کی وه‌حده‌ و حه‌ریره‌ به‌ ده‌ست داعشه‌وه‌ ماوه‌ که‌ نزیک به‌نداوی فوراته‌.

ڕۆژی یه‌کشه‌مه‌ هێزه‌ کوردییه‌کان به‌شی کۆنی شاره‌که‌یان به‌ ته‌واوی ئازاد کرد و به‌ره‌و به‌شی نوێ شاره‌که‌ به‌ڕێکه‌وتن که‌ زیاتر له‌ ته‌نیشت به‌نداوه‌که‌ ساز کراوه‌.

هاوکات له‌گه‌ڵ پێشڕه‌وی هێزه‌ کوردییه‌کان، تیرۆریسته‌کانی داعش به‌ سه‌ختی له‌ لایه‌ن هاوپه‌یمانانه‌وه‌ بۆردامن کراون.

شایانی باسه‌ که‌ شاری ته‌به‌قه‌ یه‌کێکه‌ له‌ ستراتیژی ترین شاره‌کانی ژێر ده‌ستی داعش که‌ له‌ ته‌نیشت به‌نداوی ته‌به‌قه‌ و فڕۆکه‌خانه‌ی سه‌ربازی ته‌به‌قه‌یه‌ و دوای شکستی داعش له‌م شاره‌ ئه‌گه‌ری ته‌قاندنه‌وه‌ی به‌نداوی ته‌به‌قه‌ که‌ داعش هه‌ڕه‌شه‌ی کردبوو ئێستا نییە.

ئه‌م شاره‌ له‌ ساڵی ۲۰۱۴وه‌ له‌ ژێر ده‌ستی داعشدا بووه‌ و ده‌که‌وێته‌ ۵۰ کیلۆمه‌تری شاری ڕه‌قه‌ی پایته‌ختی داعش.

News Code 9734

نیشانەکان

بۆچوونی ئێوە

You are replying to: .
  • 5 + 2 =