بەشداریی به‌رهه‌ڵستکاره‌ سوورییه‌کان لە دانوستانی ئاستانە

هاوکات له‌گه‌ڵ نزیک بوونه‌وه‌ له‌ کاتی به‌ڕێوه‌ چوونی کۆبوونه‌وه‌ی ئاستانه‌، به‌رهه‌ڵستکاره‌ سوورییه‌کان ڕایانگه‌یاند که‌ به‌شداری دانوستانه‌کانی ئاستانه‌ ده‌که‌ن.

به‌ ڕاپۆرتی ئاژانسی مێهر له‌ شه‌رقولئەوسه‌ت، هاوکات له‌گه‌ڵ نزیک بوونه‌وه‌ له‌ کاتی به‌ڕێوه‌ چوونی کۆبوونه‌وه‌ی ئاستانه‌، به‌رهه‌ڵستکاره‌ سوورییه‌کان ڕایانگه‌یاند که‌ به‌شداری دانوستانه‌کانی ئاستانه‌ ده‌که‌ن.

یه‌حیا عه‌ریزی له‌ ئه‌ندامانی گرووپه‌ دژبه‌ره‌کانی سووریا وتی: به‌ ئه‌گه‌ری زۆر دژبه‌ره‌کان به‌شداری کۆبوونه‌وه‌که‌ی ئاستانه‌ ده‌که‌ن، ئه‌مه‌ش به‌ هۆی ئه‌و ئاگربڕه‌یه‌ که‌ چه‌ند مانگ به‌ر له‌ ئێستا به‌دی هات.

ئه‌و زیادی کرد: تاکوو دوو ڕۆژی دیکه‌ به‌رهه‌ڵستکاره‌ سوورییه‌کان بۆچوونی یه‌کلاکه‌ره‌وه‌ی خۆیان سه‌باره‌ت به‌م بابه‌ته‌ ئاشکرا ده‌که‌ن.

فاتێح حه‌سون ئه‌ندامێکی دیکه‌ی دژبه‌ره‌کانی سووریا وتی: وه‌ک دیاره‌ ئه‌م خوله‌ی  ئاستانه‌ گۆڕانکاری نوێی تێدایه‌، وه‌ک به‌شداری چه‌ند لایه‌نێکی نێونه‌ته‌وه‌یی دیکه‌ له‌ دانوستانه‌کان.

هێشتا ناوی هیچ وڵاتێک بۆ به‌شداری کردن له‌م دانوستانه‌ ئاشکرا نه‌کراوه‌، به‌ڵام خه‌یره‌ت عه‌بدول ڕه‌حمان، وه‌زیری ده‌ره‌وه‌ی قه‌زاقستان له‌مباره‌وه‌ وتی: چه‌ند وڵاتێکی عه‌ره‌بی و یه‌کێتی ئه‌ورووپا بۆ ته‌ڤڵ بوون له‌م دانوستانانه‌ بانگهێشت کراون.

شایانی باسه‌ که‌ خولی نوێی دانوستانه‌کانی ئاستانه‌ بڕیار وایه‌ که‌ ۱۳ و ۱۴ی گوڵان له‌ ئاستانه‌ی پایته‌ختی قه‌زاقزستان به‌ڕێوه‌ بچێت.

News Code 9726

نیشانەکان

بۆچوونی ئێوە

You are replying to: .
  • 6 + 5 =