پشتیوانی دی کاپێریۆ له‌ داخوازی سوورپێسته‌کانی ئه‌مریکا

ئه‌کته‌رێکی ناسراوی جیهان دوای دیدار له‌گه‌ڵ ڕێبه‌ری سوورپێسته‌کانی ئه‌مریکا، له‌ کۆبوونه‌وه‌ی ناڕه‌زایه‌تی ده‌ربڕینی سوورپێسته‌کان له‌ واشنتۆن به‌شداری کرد.

به‌ ڕاپۆرتی ئاژانسی مێهر له‌ سی ئێن ئێن، له‌ گرته‌یه‌کی ڤیدیۆییه‌دا که‌ له‌ تۆڕه‌ کۆمه‌ڵایه‌تییه‌کان به‌ زۆری بڵاو بووه‌ته‌وه‌، ئه‌کته‌ری ناوداری ئه‌مریکا، دی کاپریۆ ده‌بیندرێت که‌ له‌ ته‌نیشت سوورپێسته‌کانی ئه‌مریکا به‌شداری ڕێپێوانێکی کردووه‌.

ئه‌م ئه‌کته‌ره‌ ئه‌مریکاییه‌ له‌ حاڵێکدا ده‌بیندرێت که‌ کاغه‌زێکی به‌ده‌سته‌وه‌یه‌ و له‌ سه‌ری نووسیویه‌تی: گۆڕینی که‌ش هه‌وا بابه‌تێکی ڕاسته‌قینه‌یه‌.

ئه‌م ڕێپێوانه‌ له‌ سه‌ده‌مین ڕۆژی ده‌ست به‌ کار بوونی دۆناڵد ترامپ به‌ سه‌رۆک کۆماری ئه‌مریکا ئه‌نجام بوو.

دی کاپریۆ هه‌روه‌ها له‌ تویتره‌که‌ی خۆی نووسی: ئه‌مه‌ جێگه‌ی شانازییه‌کی گه‌وره‌یه‌ بۆ من که‌ به‌شداری ئه‌م ڕێپێوانه‌م کرد و له‌گه‌ڵ ڕێبه‌ره‌کانی سوورپێسته‌کانی وڵاته‌که‌م دیدار و گفتوگۆم کرد. من به‌ دڵنیایه‌وه‌ پشتیوانیان لێ ده‌که‌م.

ئه‌م ڕێپێوانه‌ له‌ دژی سیاسته‌کانی ده‌وڵه‌تی ئه‌مریکایه‌ که‌ ده‌یه‌وێت ناوچه‌یه‌کی گه‌وره‌ له‌ نیشتمانی کۆنی سوورپێسته‌کان به‌ بۆنه‌ی دۆزینه‌وه‌ی نه‌وت داگیر بکات و سوورپێسته‌کانی ئه‌م وڵاته‌ش ڕایانگه‌یاندووه‌ که‌ مۆڵه‌تی وه‌ها کارێک به‌ ده‌وڵه‌ت ناده‌ن.

ئه‌وه‌ی جێگه‌ی سرنجه‌ ئه‌م بابه‌ته‌یه‌ که‌ له‌ کاتی به‌ڕێوه‌ چوونی ئه‌م ڕێپێوانه‌ ئاستی گه‌رمای واشنتۆن ۳۳ پله‌ بوو که‌ ئه‌مه‌ش یه‌که‌م جاره‌ ئه‌م شاره‌ تاکوو ئه‌م ئاسته‌ گه‌رم بووبێت که‌ خۆی نیشانی ده‌دات که‌ش و هه‌وای جیهان له‌ دۆخێکی مه‌تریسدار دایه‌، به‌ڵام سه‌رۆک کۆماری نوێ ئه‌مریکا بڕوای به‌م بابه‌ته‌ نییه‌ و ده‌ڵێت ئه‌مانه‌ درۆن و شتێکی کاتییه‌ و تێپه‌ڕ ده‌بێت.

News Code 9723

نیشانەکان

بۆچوونی ئێوە

You are replying to: .
  • 6 + 10 =