گۆڕینی مێشکی سەری مشک بە سەرکەوتوویی ئەنجام درا

زانایانی چینی پاگه‌نده‌یان کرد که‌ به‌ هاوکاری دوکتورێکی ئیتالیایی نەشتەرگەریی گۆڕینی که‌له‌ سه‌ری مشکێکیان به‌ سه‌رکه‌وتوویی ئه‌نجام داوه‌.

به‌ ڕاپۆرتی ئاژانسی مێهر له‌ ئێکسپرێس، سێرجیۆ کاناوارۆ و شیائۆپینگ که‌ دوو دوکتوری ناسراوی جیهانن ڕایانگه‌یاند که‌ توانیانه‌ به‌ سه‌رکه‌وتوویی که‌له‌ سه‌ری مشکێک بگۆڕن.

ئه‌وان هه‌روه‌ها پاگه‌نده‌یان کردووه‌ که‌ مشکه‌که‌ دوای نەشتەرگەریەکەش  ژیانێکی ئاسایی بووه‌ و به‌ که‌له‌ سه‌ری مشکێکی دیکه‌ درێژه‌ی به‌ ژیانی خۆی داوه‌.

هه‌روه‌ها له‌م نەشتەرگەریەدا له‌ مشکێکی سێهه‌میش که‌ڵکیان بردووه‌ بۆ ئه‌وه‌ی  پەستۆی خوێنی دوو مشکه‌که‌ی دیکه‌ کۆنترۆڵ بکه‌ن، ئه‌گه‌رنا هه‌ر دوو مشکه‌که‌ که‌ سه‌ریان بۆ گۆڕدراوه‌، ده‌مردن.

ئه‌م تاقی کردنه‌وه‌ له‌ سه‌ر ۳۶ مشک ئه‌نجام بووه‌، به‌ڵام ته‌نیا چه‌ند کاتژمێر دوای عه‌مه‌لیاته‌که‌ زیندوو ماون. له‌ هه‌ر حاڵدا ئه‌مه‌ سه‌رکه‌وتنێکه‌ بۆ زانستی پزشکی چون توانیانه‌ تاکوو چه‌ند کاتژمێرێک مشکه‌کان به‌ زیندووی ڕابگرن. ئه‌گه‌رچی هه‌ر دوو پزشکه‌که‌ پاگه‌نده‌ ده‌که‌ن که‌ دواین عه‌مه‌لیاتی ئه‌وان به‌ سه‌رکه‌وتوویی بووه‌.

شایانی باسه‌ که‌ ئه‌م نەشتەرگەریە له‌ سه‌ر دوو سه‌گیش ئه‌نجام بووه‌، یه‌کێک له‌ سه‌گه‌کان به‌ هۆی له‌ کێشە لە بڕبڕەی پشت له‌ حاڵی مردندا بووه‌ و که‌له‌ سه‌ره‌که‌ی له‌ سه‌گێکی دیکه‌ که‌ نه‌خۆشی مێشکی هه‌بوو، چه‌سپێندراوه‌. تاکوو ئێسته‌ سه‌گه‌ نه‌خۆشه‌که‌ زیندووه‌، به‌ڵام ڕوون نییه‌ که‌ ئایا ده‌مێنێته‌وه‌ له‌ ژیان یان نا.

دوکتور کاناوارۆ له‌ سه‌ر ئه‌م باوه‌ڕه‌یه‌ که‌ ئه‌مه‌ هه‌نگاوێکی گرنگ بۆ بواری پزشکییه‌ و ده‌توانێت ده‌ستکه‌وتی زۆر زیاتریش هه‌بێت.

News Code 9722

نیشانەکان

بۆچوونی ئێوە

You are replying to: .
  • 1 + 2 =