۸۹ که‌س له‌ هێرش بۆ سه‌ر شه‌نگال و باکووری سووریا کوژراون

هێزه‌ سه‌ربازییه‌کانی تورکیا له‌ میانه‌ی ڕاگه‌یه‌ندراوێکدا ئاشکرایان کرد که‌ له‌ هێرشه‌ ئاسمانییه‌کانی سه‌ر شه‌نگال و ناوچه‌ی قه‌ره‌ چۆخ له‌ سووریا ۸۹ ئه‌ندامی په‌که‌که‌ و په‌یه‌ده‌مان کوشتووه‌ و ۹۰ که‌سی دیکه‌ش بریندار بوون.

به‌ ڕاپۆرتی ئاژانسی مێهر له‌ ڕۆژنامه‌ی یه‌نی شه‌فه‌ق، لێژنه‌ی فه‌رمانده‌یی هێزه‌ سه‌ربازییه‌کانی تورکیا له‌ ڕاگه‌یه‌ندراوێکدا ئاشكرای کرد: له‌ چیای شه‌نگال ۴۰ هێزی په‌که‌که‌ و په‌یه‌ده‌ و له‌ باکووری سووریاش ۴۹ هێزی په‌یه‌ده‌مان کوشتووه‌ که‌ ۴ که‌سیان فه‌رمانده‌ی باڵای ئه‌م هێزانه‌ بوون.

هه‌روه‌ها له‌ درێژه‌ی ئه‌م ڕاگه‌یه‌ندراوه‌دا هاتووه‌ که‌ له‌م هێرشانه‌دا زیاتر له‌ ۹۰ که‌س بریندار بوون و بۆ نه‌خۆشخانه‌کانی هه‌رێمی کوردستان گوازراونه‌ته‌وه‌.

له‌ کۆتاییدا جه‌خت کراوه‌ که‌ به‌ پێی ئه‌و زانیاریانه‌ی ده‌ستی سوپای تورکیا که‌وتوون دۆخی برینداره‌کان یه‌کجار ناله‌باره‌ و ئه‌گه‌ری به‌رز بوونه‌وه‌ی کوژراوه‌کان زیاتره‌.

شایانی باسه‌ که‌ دوو ڕۆژ پێش ئێستا ڕه‌جه‌ب ته‌یب ئه‌ردۆغان ڕایگه‌یاند که‌ زیاتر له‌ ۲۱۰ بۆ ۲۲۰ که‌سمان ته‌نیا له‌ شه‌نگال کوشتووه‌ و ئه‌مه‌ له‌ حاڵێک دایه‌ که‌ ئه‌م ئاماره‌ له‌گه‌ڵ ئاماره‌کانی سوپای تورکیا یه‌ک ناگرێته‌وه‌. هه‌روه‌ها به‌ پێی ئاماره‌کانی هه‌رێمی کوردستان له‌ هێرشه‌که‌ی سه‌ر شه‌نگال ته‌نیا ۶ پێشمه‌رگه‌ی هه‌رێم گیانیان به‌خت کردووه‌ و به‌ پێی ئاماره‌کانی په‌یه‌ده‌ش له‌ هێرشه‌که‌ی باکووری سووریاش ته‌نیا ۲۰ شه‌ڕڤان گیانیان به‌خت کردووه‌.

News Code 9708

نیشانەکان

بۆچوونی ئێوە

You are replying to: .
  • 1 + 7 =