تورکیا ۹۱۰۰ پۆلیسی له‌ کار دوور خسته‌وه‌

به‌رپرسانی تورکیا زیاتر له‌ ۹ هه‌زار فه‌رمانبه‌ری دیکه‌یان له‌ هێزه‌کانی پۆلیسی تورکیا له‌ کار دوور خسته‌وه‌، ئه‌مه‌ش به‌ تۆمه‌تی به‌شداری له‌ کوده‌تاکه‌ی ساڵی ۲۰۱۶ ئه‌نجام بوو.

به‌ ڕاپۆرتی ئاژانسی مێهر له‌ ڕۆیترز، سی ئێن ئێنی تورک ڕۆژی چوارشه‌مه‌ ڕایگه‌یاند که‌ به‌رپرسانی تورکیا له‌ درێژه‌ی لێکدانه‌وه‌کان بۆ دۆزینه‌وه‌ی ئه‌و که‌سانه‌ی که‌ ده‌ستیان له‌ کوده‌تاکه‌ی ساڵی ۲۰۱۶دا بووه‌، ۹۱۰۳ فه‌رمانبه‌ری هێزه‌کانی پۆلیسی ئه‌م وڵاته‌یان به‌ تۆمه‌تی تێوه‌گلان له‌ کوده‌تاکه‌ له‌ کار دوور خسته‌وه‌.

ئه‌مه‌ له‌ حاڵێک دایه‌ که‌ له‌ سه‌ره‌تای ڕۆژی چوارشه‌مه‌، دوای هێرشی له‌ ناکاوی پۆلیسی بۆ سه‌ر ۷۲ شار له‌ تورکیا زیاتر له‌ یه‌ک هه‌زار که‌سیش ده‌ستگیر کران.

شایانی باسه‌ که‌ دوای کوده‌تاکه‌ی ساڵی ۲۰۱۶ له‌ تورکیا، به‌رپرسانی ئه‌م وڵاته‌ زیاتر له‌ ۱۰۰ هه‌زار که‌سیان به‌ تۆمه‌تی به‌شداری کردن له‌م کوده‌تایه‌ زیندانی کردووه‌ و زیاتر له‌ ۱۴۰ هه‌زار که‌سی دیکه‌شیان له‌ کار دوور خستووه‌ته‌وه‌. زۆربه‌ی ئه‌و که‌سانه‌ی که‌ دستگیر یان له‌ کار دوورخراونه‌ته‌وه‌ سه‌ر به‌ هێزه‌ سه‌ربازییه‌کانی تورکیان.

News Code 9632

نیشانەکان

بۆچوونی ئێوە

You are replying to: .
  • 1 + 2 =